ENSEIGNEMENS

à l'endroit de vous, et mesme vous pourrez user de quelques eslancemens de prieres vocales, lesquelles vous repeterez souvent, sur tout depuis vespres, comme seroit celuy de S. François : Qui suis-je, Seigneur, et qui estes-vous ? ou celuy de S'° Elisabeth : D'où me vient ce bon-heur que mon Seigneur vienne à moy? ou celuy de S. Jean-Baptiste : Et vous venez à moy, Seigneur? ou celuy de l’Espouse sacrée : Que mon Espoux me: baise d’un baiser de sa bouche.

Que si vous vouliez par fois faire vostre meditation sur la communion le jour precedent, vous pouvez aisement y accommoder les mysteres de la vie de Nostre-Seigneur, qui se rencontrent en la suite de vostre oraison mentale, les appliquant, comme se devant exercer en vostre endroit à l'heure de vostre communion; Car qui vous empeschera de vous representer que Nostre-Seigneur, ou vous y presente les benefices qu'il a faits, ou vous donne interieurement les enseignemens qu'il a donnez, et ainsi des autres; et il y a peu de mysteres qui ne soient propres à cela.

J’approuverois que pour aider à la compagnie à se ressouvenir des biens-faits de Dieu au jour de la communion, chaque religieuse sceust le jour de sa reception, et des autres graces plus signalées receües de Dieu, et qu'autant que l'humilité et simplicité chrestienne le peut permettre, le soir avant la communion elle en fist ressouvenir les sœurs en l'heure de la recreation, et sur la fin les priast d'en remercier Dieu avec elle, cela s'entend du jour anniversaire; cela ne se rencontrera pas tous les jours, mais quelquesfois.

Je m'en vay maintenant proposer plusieurs poincts, desquels vous pourrez vous servir tant pour aller à la communion, que pour rendre graces à Dieu apres icelle.

Avant que d'y aller, on peut exciter le desir par la comparaison du cerf, que l’extremité de la soif fait desirer les fontaines, comme fait David au psalme 41, qui est bon à lire, puisque vous les avez en françois; et par l'exemple de la Magdelene, qui par tout le cherche avec ardeur, chez Simon le lepreux, au sepulchre et au jardin, qui pleure en le cherchant, et luy dit à luy-mesme qu'il luy enseigne le lieu où il s’est mis. Si tu l'as enlevé, dit-elle, dis-le-moy, et je l'iray reprendre.

Tantost comme l'Enfant prodigue, nous excitant à nous aller jetter entre les bras de nostre pere, et luy demander de rentrer à son service; tantost comme la Cananée, nous excitant à courir apres luy, et demander la guerison de nostre ame; tantost