DE LA SALUTATION ANGELIQUE CONTRE LES HERETIQUES

Tours l’ancienne Eglise, par tous les lieux du monde, en un parfaict consentement d'esprit, avoit tousjours salüé la Mere de Dieu de cette salutation angelique : Ave, Maria, gratid plena. Et nos plus proches devanciers, suivant le sacré ton de leurs ayeuls, en une devotieuse harmonie, chantaient à toutes heures, et en tous lieux : Ave, Maria, pensant se rendre tres-agreables au Roy celeste, honorant ainsi avec grande reverence sa saincte Mere, ne sçachant où rencontrer une maniere plus propre pour l’honorer qu’en imitant les honneurs et respects que Dieu mesme luy avoit decretez et accommodez selon son bon playsir, pour l'en faire honorer le jour que sa divine Majesté voulut tant honorer en cette S° Vierge tout le reste des hommes, que de se faire homme luy-mesme. O saincte salutation, ô louanges bien authentiques, à riches et discrets honneurs; le grand Dieu les a dictez, un grand Ange les a prononcez, un grand Evangeliste les a enregistrez, toute l'antiquité les a prattiquez, nos ayeuls nous les ont enseignez.

Mais voicy une chose estrange, vous sçavez que le malin esprit s'estoit saisy de Saül, et que quand David sonnoit de sa harpe, ce malin esprit se retiroit comme vaincu par la douce melodie de cet instrument : ainsi ce malin esprit, ennemy conjuré de tout accord et union, estant entré en possession de certains cerveaux legers, discordant ét sans harmonie, parlant par leurs bouches, il dit mille injures.et blasphesmes contre ne de cette saincte salutation.

Calvin, en son Harmonie evangelique , nous appelle superstitieux, tant pour salüer une absente, que pour nous mesler du