PREAMBULE AUX CONSTITUTIONS
spirituels, pourveu qu'elles auront esté canoniquement erigées par les Ordinaires , lesquels, quant à cela, demeurent en leur ancienne authorité, qui ne leur a esté limitée que pour le regard des Congregations , lesquelles, selon le style present du Sant- Siege, portent le titre de Religions : puisque la limitation et restriction de la puissance ordinaire ne doit operer que selon la rigoureuse signification des mots ésquels elle est conceuë, et que le Saint-Siege ne doit estre estimé vouloir lyer les mains aux evesques inferieurs, en ce qui est utile pour l’advancement de leurs brebis en la perfection chrestienne, affin qu'un chacun d'eux puisse dire qu'il est venu en son diocese affin que les ames eussent la vie et qu'elles l'eussent plus abondamment. Et la coustume, qui semble donner la loy aux loyx mesmes, et laquelle au moins leur sert de tres-bon interpreste, nous oste de toute sorte de difficulté en cet endroict, et monstre bien que l'Eglise et le Saint-Siege tient pour legitimement et canoniquement instituées et appreuvées les simples Congregations erigées par les Ordinaires. qui en cela possedent sans contradiction quelconque leur ancienne authorité. Car, comme le grand sainct Ambroise, de son tems, forma plusieurs Congregations, tant d'hommes que de femmes, au diocese de Milan, aussi le grand S. Charles-son successeur, en a formé de nostre tems plusieurs autres en ce mesme lieu. — Et comme du tems de S. Gregoire Nazianzene les evesques avoient erigé force telles Congregations presque en tous les endroicts du Christianisme, aussi du depuis, et jusqu'à ce tems auquel j'escris, les evesques en ont dressé en plusieurs endroicts, et mesme en Italie, où il semble que la prattique de la discipline ecclesiastique’soit et doive estre le modelle pour le reste’ : 4% 00000" ENS Se . et autres, comme il appert par les livrets des Regles qu'ils leur ont données, imprimez en divers endroicts d'Italie. Et en France les Compaignies de Saincte-Ursule ont esté en plusieurs endroicts reduittes en Colleges et Congregations par l'authorité ordinaire, l'Eglise et le Saint-Siege tenant pour canoniquement institué pour ce regard ce que chaque evesque fait en son diocese, comme elle fait en plusieurs autres occasions.
Des divers lyens, et differentes façons de s’obliger.à la prattique des conseils evangeliques , que l'on observe és Congregations.
Il y a des Congregations ésquelles on n’est obligé ny par vœu, ny par serment, ny par oblation, ains seulement par une simple
nb È 0 3 MONET
