VENERABILI FRATRI EPISCOPO GEBENNENSI

Venerabilis Frater, salutem et apostolicam benedictionem.

Sacri apostolatus ministerio, meritis licet imparibus , divina dispositione præsidentes, inter cætera cordis nostri desiderabilia circa ea per quæ majestas Altissimi ubique collaudetur cultusque sui gloriosimini nominis amplietur, et adillius laudem et gloriam monasteriorum et aliorum regularium locorum ac personarum, præsertim feminei sexuS, Sub suavi religionis jugo, studio piæ vitæ, Altissimo famulantium numerus augeatur, sollicitudinis nostræ studium lubenter convertimus; et ut pia catholicorum principum id exoptantium vota optatum sortiantur effectum, opem et operam, quantum nobis ex alto conceditur, impendimus efficaces, ex alto prout ad divini nominis exaltationem et animarum salutem in Domino conspicimus salubriter expedire.

Cum itaque, sicut ex insinuatione dilecti fit nobilis Caroli-Emmanuelis Sabaudiæ ducis accepimus, in oppido Anneci Gebennensis diæcesis non multæ honestæ mulieres, studio melioris vitæ ac pio religionis desiderio ductæ, in quamdam domum ejusdem oppidi jam a multis annis se receperint inibique pie et devote viventes officium par-