RS EST

O Ceux ! oyez ce que je dy; que la terre escoute les propos de ma bouche. C’est à vous, à JESUS mon Sauveur, à qui mon cœur parle encore que je ne sois que poudre et cendre. O0 mon Dieu ! je confirme et renouvelle de tout mon cœur les vœux que j'ay faits à vostre divine Majesté, de vivre en perpetuelle chasteté, obeyssance, et pauvreté, selon la Regle de Sainct-Augustin, et les Constitutions de la Congregation de Nostre-Dame de la Visitation, pour l'observation desquelles j’offre et consacre à vostre divine Majesté, et à la sacrée Vierge Marie vostre Mere, Nostre-Dame, et à ladite Congregation, ma personne et ma vie. Recevez-moy, à Pere eternel! entre les bras de vostre trespitoyable Paternité, affin que je porte constamment le joug et le fardeau de vostre sainct service, et que je m'abandonne à jamais totalement à vostre divin amour, auquel derechef je me dedie et consacre. O tres-glorieuse, tres-sacrée, et tres-douce Vierge Marie! je vous supplie, pour l'amour et par la mort de vostre Fils, de me recevoir au giron de vostre protection maternelle. Je choysis Jesus mon Seigneur et mon Dieu, pour l'unique object de ma dilection. Je choysis sa saincte et sacrée Mere pour ma protection, et la Congregation de ceans pour ma perpetuelle direction. Gloire soit au Pere, et au Fils, et au Sainct-Esprit. Amen.