DU MOYEN DE FAIRE CETTE SECONDE PURGATION

Or le premier moyen, et fondement de cette seconde purgation, c’est la vive et forte apprehension du grand mal que le peché nous apporte, par le moyen de laquelle nous entrons en une profonde et vehemente contrition. Car tout ainsi que la contrition, pourveu qu'elle soit vraye, pour petite qu’elle soit, et sur tout estant joincte à la vertu des sacremens, nous purge suffisamment du peché : de mesme, quand elle est grande et vehemente, elle nous purge de toutes les affections qui dependent du peché. Une hayne ou rancune foible et debile, nous

(1) Avait coutume de. — (2) Cajolée.

fait avoir à contre-cœur celuy que nous hayssons, et nous faict fuyr sa compagnie; mais si c’est une hayne mortelle et violente, non-seulement nous fuyons et abhorrons celuy à qui nous la portons, ains nous avons à degoust, et ne pouvons souffrir la conversation de ses alliez, parens et amys, non pas mesme son image, ny chose qui luy appartienne. Ainsi, quand le penitent ne hayt le peché que par une legere, quoyque vraye contrition, il se resout voirement bien de ne plus pecher; mais quand il hayt d’une contrition puissante et vigoureuse, nonseulement il deteste le peché, ains encore toutes les affections, dependances et acheminemens du peché. Il faut doncques, Philotée, aggrandir tant qu'il nous sera possible nostre contrition et repentance, affin qu'’elles’estende jusqu'aux moindres appartenances du peché. Ainsi Magdelene, en sa conversion, perdit tellement le goust des pechez et des playsirs qu'elle y avoit prins que jamais plus elle n’y pensa; et David protestoit de non-seulement hayr le peché, mais aussi toutes les voyes ct sentiers d’iceluy : en ce poinct cousiste le rajeunissement de l'ame, que ce mesme prophete compare au renouvellement de l’aigle.

Or, pour parvenir à cette apprehension et contrition , il faut que vous vous exerciez soigneusement aux meditations suivantes, lesquelles estant bien prattiquées, desracineront de vostre cœur, moyennant la grace de Dieu, le peché et les principales affections du peché : aussi les ay-je dressées tout à fait pour cet usage. Vous les ferez l’une apres l’autre, selon que je les ay marquées, n'en prenant qu'une pour chaque jour, laquelle vous ferez le matn s'il est possible, qui est le tems le plus propre pour toutes les actions de l'esprit, et la remascherez et la ruminerez le reste de la journée : que si vous n’estes encore pas duicte (4) à faire la meditation, voyez ce qui en sera dit en la seconde partie.