PREMIERE MEDITATION. — DE LA CREATION

PREPARATION

1° Mettez-vous en la presence de Dieu.

20 Suppliez-le qu’il vous inspire.

CONSIDERATIONS

1° ConSiDerEz qu'il n’y a que tant d'ans que vous n'estiez point au monde, et que vostre estre estoit un vray rien : où

(1) Propre à, habituée à.

estions-nous, à mon ame, en ce tems-là ? le monde avoit desjà tant duré, et de nous il n’en estoit nulle nouvelle. 2° Dieu vous a fait esclore de ce rien pour vous rendre ce que vous estes, sans qu'il eust besoin de vous, ains par sa seule bonté. 3° Considerez l’estre que Dieu vous à donné, car c’est le premier estre du monde visible, capable de vivre eternellement, et de s’unir parfaictement à sa divine Majesté.

AFFECTIONS ET RESOLUTIONS

1° Humiliez-vous profondement devant Dieu, disant de cœur avec le Psalmiste : O Seigneur, je suis devant vous comme un vray rien, et comment eustes-vous memoire de moi pour me creer? Helas! mon ame, tu estois abysmée dans cet ancien neant, et y serois encore de present, si Dieu ne t’en eust reürée : et que ferois-tu dedans ce rien?

2° Rendez graces à Dieu. O mon grand et bon Createur, combien vous suis-je redevable; puisque vous m'’estes allé prendre dans mon rien, pour me rendre par vostre misericorde ce que je suis? Qu'est-ce que je feray jamais pour dignement benir vostre sainct nom, et remercier vostre immense bonté.

3° Confondez-vous. Mais helas! mon Createur, au lieu de m'unir à vous par amour et service, je me suis renduë toute rebelle par mes desreglées affections, me separant et esloignant de vous pour me joindre au peché et à l'iniquité, n’honorant non plus vostre bonté, que si vous n’eussiez pas esté mon Createur.

4° Abaissez-vous devant Dieu. O mon ame, sçache que le Seigneur est ton Dieu, c’est luy qui t'a faite, et tu ne t'es pas faite toy-mesme. 0 Dieu! je suis l'ouvrage de vos mains.

Je ne veux donc plus desormais me complayre en moy-mesme, qui de ma part ne suis rien. De quoy te glorities-tu, à poudre et cendre? mais plutost, Ô vray neant, de quoy t’exaltes-tu? et pour m'humilier je veux faire telle et telle chose , supporter tels et tels mespris : je veux changer de vie, et suivre desormais mon Createur, et m'honorer de la condition de l’estre qu'il m'a donné, l’employant tout entierement à l’obeyssance de sa volonté, par les moyens qui me seront enseignez, et desquels je m'enquerray vers mon pere spirituel.

CONCLUSION

1° Remerciez Dieu. Benis, d mon ame, ton Dieu, et que toutes mes entrailles loüent son sainct nom, car sa bonté m'a tiré de rien, et sa misericorde m'a creé.

2° Offrez. O mon Dieu, je vous offre l’estre que vous m'avez donné avec tout mon cœur, je le vous desdie et consacre.

3° Priez. O Dieu, fortifiez-moy en ces affections et resolutions : à S'® Vierge, recommandez-les à la misericorde de vostre Fils, avec tous ceux pour qui je dois prier, etc. Pater, Ave.

Au sortir de l’orayson, en vous pourmenant (1) un peu, reeueillez un petit bouquet de devotion des considerations que vous avez faictes pour l'odorer le long de la iournée.