CHAPITRE XX

PROTESTATION AUTHENTIQUE POUR GRAVER EN L'AME LA RESOLUTION DE SERVIR DIEU, ET CONCLURE LES ACTES DE PENITENCE.

JE soussignée, constituée et establie en la presence de Dieu eternel et de toute la cour celeste, ayant consideré l'immense misericorde de sa divine bonté envers moy, tres-indigne et chetive creature, qu’elle a creée de rien, conservée, soutenuë, delivrée de tant de dangers, et comblée de tant de bienfaicts; mais sur tout ayant consideré cette incomprehensible douceur et clemence, avec laquelle ce tres-bon Dieu m'a si benignement tolerée en mes iniquitez, si souvent et si amiablement inspirée, me conviant à m’amender, et si patiemment attenduë à penitence et repentance jusques à cette N. année de mon aage, nonobstant toutes mes mgratitudes, desloyautez et infidellitez, par lesquelles differant ma conversion, et mesprisant ses graces, je l'ay si imprudemment offensée; apres avoir encore consideré qu’au jour de mon sacré baptesme, je fus si heureusement et sainctement voüée et dediée à mon Dieu pour estre sa fille, et que, contre la profession qui fut alors faite en mon nom, j'ay tant et tant de fois si malheureusement et detestablement profané et violé mon esprit, l’appliquant et l’employant contre la divine Majesté; enfin revenant maintenant à moy-mesme, prosternée de cœur et d'esprit devant le throsne de la Justice divine, je me recognois, advouë et confesse pour legitimement atteinte et convaincuë du crime de leze Majesté divine et coulpable de la mort et passion de Jesus-Christ, à raison des pechez que j’ay commis, pour lesquels il est mort, et a souffert le tourment de la croix, si que je suis digne, par consequent, d’estre à jamais perduë et damnée.

Mais me retournant devers le throsne de l’infinie misericorde de cé mesme Dieu eternel, apres avoir detesté de tout mon cœur, et de toutes mes forces, les iniquitez de ma vie passée, je demande et requiers humblement grace, pardon et mercy, avec entiere absolution de mon crime, en vertu de la mort et passion de ce mesme Seigneur et Redempteur de mon ame, sur laquelle m’appuyant comme sur l’unique fondement de mon esperance, j advouë derechef, et renouvelle la sacrée profession de la fidellité faite de ma part à mon Dieu en mon baptesme, renonçant au diable, au monde, et à la chair, detestant leurs malheureuses suggestions, vanitez et concupiscences, pour tout

le tems de ma vie presente, et de toute l’eternité; et me convertissant à mon Dieu debonnaire et pitoyable, je desire, propose,. delibere, et me resous irrevocablement de le servir et aymer maintenant.et eternellement, luy donnant à ces fins, dediant et consacrant mon esprit avec toutes ses facultez, mon ame avec toutes ses puissances, mon cœur avec toutes ses affections, mon corps avec tous ses sens, protestant de ne jamais plus abuser d’aucune partie de mon estre contre sa divine volonté, et souveraine majesté, à laquelle je me sacrifie et immole en esprit, pour luy estre à jamais loyale, obeyssante et fidelle creature, sans que je vueille oncques m'en desdire ny repentir. Mais helas! si par suggestion de l’ennemy ou par quelque infirmité humaine, il m’arrivoit de contrevenir en chose quelconque à cette mienne resolution et consecration, je proteste dés maintenant et me propose, moyennant la grace du Sainct-Esprit, de m'en relever si tost que je m'en appercevräy, me convertissant derechef à la misericorde divine sans retardation, ny dilation quelconque. Cecy est ma volonté, mon intention, et ma resolution inviolable et irrevocable, laquelle j'advouë et confirme sans reserve, ny exception, en la mesme presence! sacrée de mon Dieu, et à la veuë de l'Eglise triomphante, et en la face de l'Eglise militante ma mere, qui entend cette mienne declaration, en la presence de celuy qui, comme officier d'icelle, m'escoute en cett: action. Playse vous, à mon Dieu eternel, tout-puissant et tout bon, Pere, Fils, et Sainct- Esprit, confirmer en moy cette resolution , et accepter ce mien sacrifice cordial et interieur,-en odeur de suavité. Et comme il vous a pleu me donner l'inspiration et volonté de le fayre, donnez-moy aussi la force et la grace requise pour le parfayre. O mon Dieu, vous estes mon Dieu, Dieu de mon cœur, Dieu de mon ame, Dieu de mon esprit; aimsi je vous recognois et adore maintenant, et pour toute l'eternité. Vive Jesus!