CONCLUSION DE CETTE PREMIERE PURGATION

CETTE protestation faite, soyez attentive et ouvrez les oreilles de vostre cœur, pour oùyr en esprit la parolle de vostre absolution que le Sauveur mesme de vostre ame, assis sur le throsne de sa misericorde, prononcera là-haut au ciel devant tous les anges et les saincts, à mesme tems qu'en son nom le prestre

vous absout icy-bas en terre; si que toute cette trouppe des bien-heureux se resjouyssant de vostre bon-heur, chantera le cantique spirituel d’une allegresse nompäreille, et tous donneront le bayser de paix et de societé à vostre cœur, remis en grace et sanctifié.

: O0 Dieu, Philotée, que voilà un contract admirable, par lequel vous faites un heureux traitté avec sa divine Majesté, puisqu'en vous donnant vous-mesme à elle, vous la gaignez, et vousmesme aussi pour la vie eternelle! Il ne reste plus sinon que, prenant la plume en main, vous signiez de bon cœur l’acte de vosire protestation, et que par apres vous alliez à l'autel, où Dieu reciproquement signera et scellera vostre absolution, et la promesse qu’il vous fera de son paradis, se mettant luymesme par son sacrement, comme-un cachet et sceau sacré, sur vostre cœur renouvellé. En cette sorte, ce me semble, Philotée, vostre ame sera purgée de peché, et de toutes les affections du peché. Mais d'autant que ces affections renaissent aysement en l'ame, à raison de nostre infirmité et concupiscence, qui peut estre morlifiée , mais qui ne peut mourir pendant que nous vivons icy-bas en terre, je vous donneray des adwvis, lesquels estant bien prattiquez vous preserveront desormais du peché mortel, et de toutes les affections d’iceluy, affin que jamais il ne puisse avoir place en vostre cœur; et d'autant que les mesmes advis servent encore pour une purification plus parfaicte, avant que de les vous donner, je vous veux dire quelque chose de cette plus absolue pureté, à laquelle je desire vous conduire.