DE L'INVOCATION , SECOND POINCT DE LA PREPARATION

L'INvocarrox se fait en cette maniere : vostre ame se sentant en la presence de Dieu, se prosterne en une extreme reverence, se cognoissant tres-indigne de demeurer devant une si souveraine Majesté; et neantmoins, sçachant que cette mesme bonté le veut, elle luy demande la grace de la bien servir et adorer

en cette meditation. Que si vous le voulez, vous pourrez user de quelques parolles courtes et enflammées comme sont celles icy de David : « Ne me rejettez point, à mon Dieu, de devant vostre » face, et ne m'ostez point la faveur de vostre Sainct-Esprit. » Esclairez vostre face sur vostre servante, et je considereray » vos merveilles. Donnez-moy l’entendement, et je regarderay » vostre loy, et la garderay de tout mon cœur. Je suis vostre » servante, donnez-moy l'esprit, » et telles parolles semblables à cela. 11 vous servira encoré d’adjouster l’invocation de vosire bon ange, et des sacrées personnes qui se treuveront au mystere que vous meditez : comme, en celuy de la mort de Nostre-Seigneur, vous pourrez invoquer Nostre-Dame, S. Jean, la Magdelene, le bon larron, affin que les sentimens et mouvemens interieurs qu'ils y receurent vous soient communiquez; et en la meditation de vostre mort, vous pourrez invoquer vostre bon ange qui se treuvera present, affin qu'il vous inspire des considerations convenables, et ainsi des autres mysteres.