QU’IL FAUT HONORER ET INVOQUER LES SAINCTS
Puisque Dieu nous envoye bien souvent les inspirations par ses anges, nous devons aussi luy renvoyer frequemment nos ins-
(4) La communauté, les choses faites en commun.
pirations par la mesme entremise. Les sainctes ames de trespassez qui sont en paradis avec les anges, et comme dit Nostre-Seigneur, esgales et pareilles aux anges, font aussi le mesme office, d’inspirer en nous et d’aspirer pour nous par leurs sainctes oraysons,
Ma Philotée, joignons nos cœurs à ces celestes esprits, et ames bien-heureuses : car, comme les petits rossignols apprennent à chanter avec les grands, ainsi, par le sainct commerce que nous ferons avec les Saincts, nous sçaurons bien mieux prier et chanter les louanges divines. Je psalmodieray, disoit David, à la veuë des anges.
Honorez, reverez et respectez d’un amour special la sacrée et glorieuse Vierge Marie : elle est Mere de nostre souverain Pere, et par consequent nostre grand’mere.
Recourons donc à elle; et comme ses petits enfans, jettonsnous à son giron avec une confiance parfaicte, à tous momens, à toutes occurrences : reclamons ceste douce mere, invoquons son amour maternel, et taschons d’imiter ses vertus; ayons en son endroict un vray cœur filial.
Rendez-vous fort familiere avec les anges, voyez-les souvent invisiblement presens à vostre vie, et sur tout aymez et reverez celuy du diocese auquel vous estes, ceux des personnes avec lesquelles vous vivez, et specialement le vostre : suppliez-les souvent, loüez-les ordinairement et employez leur ayde et secours en toutes vos affaires, soit spirituelles , soit temporelles, affin qu'ils cooperent à vos intentions,
Le grand Pierre Favre, premier prestre, premier predicateur, premier lecteur de theologie de la saincte compagnie du nom de Jesus, et premier compaignon du B. Ignace, fondateur d’icelle, venant un jour d'Allemagne, où il avoit fait de grands services à la gloire de Nostre-Seigneur, et passant en ce diocese, lieu de sa naissance, racontoit qu'ayant traversé plusieurs lieux heretiques, il avoit receu mille consolations d’avoir salué, en abordant chaque paroisse, les anges protecteurs d'icelle, lesquels il avoit cognu sensiblement luy avoit esté propices, soit pour le garantir des embusches des heretiques, soit pour luy rendre plusieurs ames douces et dociles à recevoir la doctrine de salut. Et disoit cela avec tant de recommandation, qu'une damoiselle lors jeune l'ayant oùy de sa bouche, le recitoit, il n’y a que quatre ans, c'est-à-dire, plus de soixante ans apres, avec un extreme sentiment. Je fus consolé ceste année passée de consacrer un autel, sur la place en laquelle Dieu fit naistre ce bien-heureux homme, au petit village du Vilaret, entre nos plus aspres montagnes.
Choisissez quelques saincts particuliers, la vie desquels vous puissiez mieux savourer et imiter, et en l’intercession desquels vous ayez une particuliere confiance. Celuy de vostre nom vous est desjàa tout assigné dés vostre baptesme.
