COMME IL FAUT OÙYR ET LIRE LA PAROLLE DE DIEU

Soyez devote à la parolle de Dieu, soit que vous l’escoutiez en devis (1) familiers avec vos amys spirituels, soit que vous l’escoutiez au sermon : oyez-la tousjours avec attention et reverence; faites-en bien vostre profit, et ne permettez pas qu’elle tombe à terre, ains recevez-la comme un precieux bausme dans vostre cœur, à limitation de la tres-saincte Vierge, qui conservoit soigneusement dedans le sien toutes les parolles que l’on disoit à la loüange de son enfant. Et souvenez-vous que Nostre-Seigneur recueille les parolles que nous luy disons en nos prieres, à mesure que nous recueillons celles qu’il nous dit par la predication.

Ayez tousjours aupres de vous quelque beau ivre de devotion comme sont ceux de S. Bonaventure, de Gerson, de Denis le Chartreux, de Louys Blosius, de Grenade, de Stella, d’Arias, de Pinelli, de du Pont, d’Avila, /e Combat spirituel, les Confessions de S. Augustin, les Epistres de S. Hierosme, et semblables ; et lisez-en tous les jours un peu avec grande devotion, comme si vous lisiez des lettres missives que les saincts vous eussent envoyées du ciel, pour vous monstrer le chemin, et vous donner le courage d'y aller. Lisez aussi les histoires, et vies des Saincts, esquelles, comme dans un miroüer, vous verrez le pourtraict de la vie chrestienne, et accommodez leurs actions à vostre profit selen vostre vacation(2). Car, bien quebeaucoup des actions des Saincts ne soient pas absoluëment imitables par ceux qui vivent emmy le monde, si est-ce que toutes peuvent estre suivies ou de pres, ou de loin : la solitude de S. Paul premier hermite est imitée en vos retraittes spirituelles et reelles, desquelles nous parlerons et avons parlé cy-dessus ; l’extreme pauvreté de S. François, par les prattiques de la pauvreté, telles que nous les marquerons, et ainsi des autres. Il est vray qu'il y a certaines histoires qui donnent plus de lumiere pour la conduitte de nostre vie, que d’autres, comme la vie de la bien-heureuse Mere Therese, laquelle est admirable pour cela; les vies des premiers Jesuites, celles de S. Charles Borromée, archevesque de Milan, de S.

(1) Entretiens. — (2) Selon que vous serez libre,

Louys, de S. Bernard, les chroniques de $. François, et autres pareilles. Il y en a d’autres où il ÿ a plus de subjet d’admiration que d’imitation, comme celle de S® Marie Egyptienne, de S. Simeon Stlite, des deux sainctes Catherine de Sienne et de Gennes, de S* Angele, et autres telles, lesquelles ne laissent pas neantmoins de donner un grand goust general du sainet amour de Dieu.