ADVIS POUR CONSERVER LA CHASTETÉ

Soyez extremement prompte à vous destourner de tous les acheminemens, et de toutes les amorces de la lubricité; car ce mal agit insensiblement, et, par des petits commencemens, fait progrez à des grands accidens : il est tousjours plus aysé à fuyr qu'à guerir.

Les corps humains ressemblent à des verres, qui ne peuvent estre portez les uns avec les autres en se touchant sans courir fortune de se rompre; et aux fruicts lesquels, quoy qu’entiers et bien assaysonnez reçoivent de la tare (1), s’entretouchant les uns les autres. L'eau mesme, pour fraische qu’elle soit dedans un vase, estant touchée de quelque animal terrestre, ne peut longuement conserver sa fraischeur. Ne permettez jamais, Philotée, qu'aucun vous touche incivilement, ny par maniere de folastrerie, ny par maniere de faveur. Car, bien qu’à l’adventure la chasteté puisse estre conservée parmy ces actions, plutost legeres que malicieuses, si est-ce que la fraischeur et fleur de la chasteté en reçoit tousjours du detriment et de la perte; mais de se laisser toucher deshonnestement, c’est la ruine entiere de la chasteté. =

La chasteté despend du cœur comme de son origine, mais elle regarde le corps, comme sa matiere. C’est pourquoy elle se perd par tous les sens exterieurs du corps, et par les cogitations et desirs du cœur. Cest impudicité de regarder, d’oüyr, de parler, d’'odorer, de toucher des choses deshonnestes, quand le cœur s’y amuse et y prend playsir. S. Paul dit tout court : Que la fornicaion ne soit pas mesmement nommée entre vous. Les abeilles, non-seulement ne veulent pas toucher les charognes, mais fuyent et hayssent extremement toutes sortes de puanteurs qui en proviennent. L'Espouse sacrée, au Cantique des cantiques, à ses mains qui distilent la myrrhe, liqueur preservative de la corruption; ses levres sont bandées d’un ruban vermeil, marque de la pudeur des parolles; ses yeux sont de colombe, à raison

(1) Du déchet.

de leur netteté; ses oreilles ont des pendans d’or, enseigne de pureté; son nez est parmy les cedres du Liban, bois incorrupüble : telle doit estre l’ame devote, chaste, nette et honneste, de mains , de levres, d'oreilles, d’yeux et de tout son corps.

À ce propos je vous represente le mot que l’ancien Pere Jean Cassian rapporte, comme sorty de la bouche du grand $S. Basile, qui, parlant de soy-mesme, dit un jour : Jene scay que c’est des femmes, et ne suis pourtant pas vierge. Certes, la chasteté se peut perdre en autant de facons qu'il y a d’impudicitez et lascivetez, lesquelles, selon qu’elles sont grandes ou petites, les unes l’affoiblissent , les autres la blessent , et les autres la font tout à fait mourir. Il y a certaines privautez et passions indiscretes, folastres , et sensuelles, qui, à proprement parler, ne violent pas la chasteté, et neantmoins elles l’affoiblissent, la rendent languissante et ternissent sa belle blancheur. Il y a d’autres privautez et passions, non-seulement indiscretes, mais vicieuses; non-seulement folastres, mais deshonnetes ; non-seulement sensuelles, mais charnelles : et par celles-cy la chasteté est pour le moins fort blessée et interessée. Je dy pour le moins, parce qu’elle en meurt et perit du tout, quand les sottises et lascivitez donnent à la chair le dernier effect du playsir voluptueux; ains alors la chasteté perit plus indignement, meschamment , et malheureusement, que quand elle se perd par la fornication, voire par l’adultere, et l'inceste : car ces dernieres especes de vilainies ne sont que des pechez, mais les autres, comme dit Tertullien

‘au livre de la Pudicité, sont des monstres d'iniquité et de peché. Or Cassian ne croit pas ny moi non plus, que $S. Basile eust esgard à tel desreglement, quand 1l s’accuse de n’estre pas vierge : car je pense qu'il ne disoit cela que pour les mauvaises et voluptueuses pensées, lesquelles, bien qu'elles n’eussent pas soüillé son corps, avoient neantmoins contaminé (1) son cœur, de la chasteté duquel les ames genereuses sont extremement jalouses.

Ne hantez nullement les personnes impudiques, principalement si elles sont encore impudentes, comme elles sont presque tousjours. Car comme les boucs touchant de la langue les amandiers doux, les font devenir amers : ainsi ces ames puantes et cœurs infects ne parlent gueres à personne, ny de mesme sexe ny de divers sexes, qu’elles ne le fassent aucunement descheoir de la pudicité : elles ont le venin aux yeux et en l'haleine comme les basiliques.

(4) Souillé.

Au contraire, hantez les gens chastes et vertueux, pensez et lisez souvent aux choses sacrées; car la parolle de Dieu est chaste, et rend ceux qui s’y playsent chastes : qui fait que David la compare au topase, pierre precieuse, laquelle, par sa proprièté, amortit l’ardeur de la concupiscence.

Tenez-vous tousjours proche de Jesus-Christ crucifé, et spirituellement par la meditation, et reellement par la sainete communion. Car, tout ainsi que ceux qui couchent sur l’herbe nommée Agnus Castus, deviennent chastes et pudiques, de mesme, reposant vostre cœur sur Nostre-Seigneur, qui est le vray agneau chaste et immaculé, vous verrez que bientost vostre ame et vostre cœur se treuveront purifiez de toutes souilleures et lubri-

citez. b