DE L'HONNEUR DE LA CROIX TESMOIGNÉ PAR LES ANCIENS. PREUVE NEUFVIESME

J’Ay dit cy-dessus que les anciens avoient en usage le bois de la saincte croix, pour honorer en iceluy Jesus-Christ crucifié : d'autant que l'honneur de la croix se rapporte tout au Crucifix. Or, cecy a esté tesmoigné en l'antiquité par plusieurs moyens.

Et premierement par les lieux honorables dans lesquels ils logeoient les pieces de la croix. Nous avons veu que l’empereur Constantin en mit une dans sa propre statuë, en un lieu fort honorable de Constantinople, comme une saincte deffense de toute la ville. S. Chrysostome nous a tesmoigné qu’on enchassoit les autres en or, et les pendoit-on au col, par honneur. $. Gregoire Nissene nous a dit que S° Macrine en portoit une dans une croix d'argent. Theodoret, Ruffin, S. Paulin, et les autres, recontent qu'Helene fit dresser un magnifique temple sur le mont de la croix, tout lambrissé en or, dans la sacristie duquel estoit precieusement gardée une piece de la croix. S. Paulin envoya une pette piece d’icelle à $. Sulpice, pour la consecration d’une eglise : « Nous avons treuvé, dit-il, de quoy vous envoyer » pour la sanctification du temple, et pour combler la benediction » des sainctes reliques, c'est à sçavoir, une partie d’une petite » piece du bois de la divine croix. » Et le mesme Paulin mit par honneur, en une belle eglise de Nole, une piece de la croix, avec les reliques des Saincts dans le maistre-autel, avec ces vers :

Hic pietas, hic alma fides, hic gloria Christi, Hic est martyribus crux sociata suis.

Nam crucis é ligno, magnum brevis hastula pignus, Totaque in exiguo segmine , vix crucis est.