III
Hoc Melanæ sanctæ delatum munere Nolam, Summun Hierosolymæ venit ab urbe bonum.
Sancta Deo geminum velant altaria honorem , Cum cruce apostolicos quæ sociant cineres :
Quäm bene junguntur ligno crucis ossa piorum, Pro cruce ut occisis in cruce sit requies!
C'est-à-dire,
Ici la pieté, la foy, la gloire encore
De nostre Redempteur se treuvent assemblez :
Icy la saincte croix à soy tient accouplez
Les corps des saincts martyrs, que pour siens elle honore; Car, pour peu qu’il y ayt de ce bois admirable,
Le gage en est tres-grand, et le moindre festu,
De toute la grand’croix tient toute la vertu,
N’estant moins que son tout, à nous tous venerable. C’est de Hierusalem, qu’un bien si grand et rare
Nous arriva jadis par le devot bien-fait
De Meleine qui fut de nom saincte, et d'effect,
Qui d’un si riche don ne nous fut point avare.
Ces grands et saincts autels, quoy que couvertement, Presentent au grand Dieu double honneur doublement, Ayant avec la croix les cendres glorieuses
Des Apostres aussi, reliques precieuses,
Qui sont bien à propos joinctes en mesme lieu :
Cy la croix, là les os des serviteurs de Dieu,
Lesquels autresfois morts pour la croix en ce monde, Ore (1) en la mesme croix prennent leur paix profonde.
Et S. Ambroise dit qu'Helene fit sagement, laquelle leva la croix sur le chef des roys, affin que la croix fust adorée des roys.
2° Par les pelerinages que l’on faysoit en Hierusalem pour visiter la saincte croix. Helene laissa une partie de la croix en une chasse d'argent, pour souvenance et monument à ceux qui seroient conduits du desir de la voir. Ce sont les parolles de Socrate; et S. Paulin dit que cette piece-là n’estoit monstrée sinon les festes de Pasques, hormis à la requeste de quelques devotes personnes qui alloient seulement en pelerinage en Hierusalem , pour voir cette saincte relique, en recompense de leur long voyage. Et tesmoigne que saincte Helene avoit esté en Hierusalem à cet effect, et en avoit apporté une petite piece du sainct bois. Ainsi Jean Moscus, Eviratus, ou Sophronius, racontent que l'abbé Gregoire avec Talielæus firent ce pelerinage
(1) Maintenant.
