CINQUIESME CONSIDERATION, DE L'AMOUR ETERNEL DE DIEU ENVERS NOUS

ConsipEeREz l'amour eternel que Dieu vous à porté : car desjà avant que Nostre-Seigneur Jesus-Christ en tant qu'homme souffrist en croix pour vous, sa divine Majesté vous projettoit en sa souveraine bonté, et vous aymoit extremement. Mais quand commença-t-1l à vous aymer? il commença quand il commença à estre Dieu ; et quand commença-t-il à estre Dieu? jamais, caril l’a tousjours esté, sans commencement et sans fin; et aussi il vous a tousjours aymé dés l’eternité : c’est pourquoy il vous preparoit les graces et faveurs qu'il vous a faites. Il le dit par le prophete : Je ay aymé(il parle à vous, aussi bien qu’à nul autre), d’une charité perpetuelle ; et partant je l’ay attiré, ayant pitié de toy. I] a doncques pensé entre autres choses à vous faire faire vos resolutions de le servir.

O Dieu! quelles resolutions sont cecy, que Dieu a pensées, meditées, projettées dés son eternité? combien nous doivent-elles estre cheres et precieuses? que devrions-nous souffrir plutost que d’en quitter un seul brin? non pas certes si tout le monde devoit perir; car aussi tout le monde ensemble ne vaut pas une ame, et une ame ne vaut rien sans nos resolutions.