QUATRIESME CONSIDERATION , DE L'AMOUR QUE JESUS-CHRIST NOUS PORTE
Consinerez l’amour avec lequel Jesus-Christ Nostre-Seigneur a tant souffert en ce monde, et particulierement au jardin des Olives et sur le mont de Calvaire : cet amour vous regardoit, et, par toutes ces peines et travaux, obtenoit de Dieu le Pere des bonnes resolutions et protestations pour vostre cœur, et par
mesme moyen obtenoit encore tout ce qui vous est necessaire pour maintenir, nourrir, fortifier et consommer ces resolutions. O resolution! que vous estes precieuse, estant fille d’une telle mere, comme est la passion de mon Sauveur! Ô combien mon ame vous doit cherir, puis que vous avez esté si chere à mon Jesus! Helas! Ô Sauveur de mon ame, vous mourustes pour m’acquerir mes resolutions : hé! faictes-moy la grace que je meure plutost que de les perdre.
Voyez-vous, ma Philotée, il est certain que le cœur de nostre cher Jesus voyoit le vostre.dés l’arbre de la croix, et l’aymoit, et par cet amour luy obtenoit tous les biens que vous aurez jamais, et entre autres nos resolutions. Oüy, chere Philotée, nous pouvons tous dire comme Jeremie : O Seigneur, avant que je fusse, vous me regardiez et m'appelliez par monnom ; d'autant que vrayement sa divine bonté prepara en son amour et misericorde tous les moyens generaux et particuliers de nostre salut, et par consequent nos resolutions. Oüy sans doute, comme une femme enceinte prepare le berceau, les linges et bandelettes, et mesme une nourrice pour l'enfant qu’elle pretend faire, encore qu'il ne soit pas au monde : ainsi Nostre-Seigneur, ayant sa bonté grosse et enceinte de vous, pretendant de vous enfanter au salut, et vous rendre sa fille, prepara sur l'arbre de la croix tout ce qu'il falloit pour vous; vostre berceau spirituel, vos linges et bandelettes, vostre nourrice, et tout ce qui estoit convenable pour vostre bonheur, ce sont tous les moyens, tous les attraicts, toutes les graces avec lesquelles il conduit vostre ame, etla veut ürer à sa perfection. Or, Nostre-Seigneur estoit en estat de grossesse et de femme enceinte sur l'arbre de la croix.
Ah! mon Dieu! que nous devrions profondement mettre cecy en nostre memoire! Est-il possible que j'aye esté aymé, et si doucement aymé de mon Sauveur, qu'il allast penser à moy en particulier, et en toutes ces petites occurrences, par lesquelles 1l m'a tiré à luy? et combien doncques devons-nous aymer, cherir et bien employer tout‘cela à nostre utilité? Cecy est bien doux : ce cœur amiable de mon Dieu pensoit à Philotée, l'aymoit et luy procuroit mille moyens de salut, autant comme s’il n’eust point eu d'autre ame au monde en qui il eust pensé : ainsi que le soleil esclairant un endroict de la terre ne l’esclaire pas moins que s'il n’esclairoit point ailleurs, et qu'il esclairast cela seul; car tout de mesme Nostre-Seigneur pensoit et soignoit pour tous ses chers enfans, en sorte qu'il pensoit à un chascun de nous, comme s’il n'eust point pensé à tout le reste. 7/ m'a aymé, dit S. Paul,
el s'est donné pour moy ; comme S il disoit : Pour moy seul, tout autant comme s’il n’eust rien fait pour le reste. Cecy, Philotée , doit estre gravé en vostre ame, pour bien cherir et nourrir vostre resolution , qui a esté si precieuse au cœur du Sauveur.
GHAPITRE XIV.
