On remercie Dieu de sa conservation de la journée passée

2. On s’examine comme on s’est comporté en toutes les heures du jour, considerant où, avec qui, et en quelle occupation on a esté.

3. S1 on treuve que l’on ayt fait quelque bien, on en rend graces à Dieu; si quelque mal en pensées, parolles ou œuvres, on en demande pardon à sa divine Majesté, avec resolution de s’en confesser à la premiere occasion, et de s’en amender soigneusement.

4. On recommande à la divine Providence son corps, son ame, l'Eglise, ses parens, ses amys. On prie Nostre-Dame, le bon ange et les saincts de veiller sur nous et pour nous; et avec la benediction de Dieu, on va prendre le repos necessaire.

5. C’est un advis et une prattique salutaire de se mettre en l'estat où on voudroit estre treuvé à l'heure de la mort.

6. Cet exercice icy ne doit estre jamais oublié, non plus que celuy du matin : car, par celuy du malin, vous ouvrez les fenestres de vostre ame au soleil de justice, et par celuy du soir, vous les fermez aux tenebres de l'enfer.