IL

ture et la medecine, pour se rendre tousjours tant plus Sauveur, Roy et Seigneur du tout et partout nostre?

CONSIDERATION III

Qui a esté conceu du Sainct-Esprit, est né de la Vierge Marie.

Comme fustes-vous conceu, Ô mon Dieu, au ventre d’une vierge, sans aucune œuvre virile? et pourquoy recherchera-t-on l’ordre naturel en vostre corps qui a esté fait outre tout ordre naturel, et est né d’une vierge? Et puis que vostre corps n’occupa desjà point de place, à la sortie qu'il fit du ventre virginal de vostre Mere, autrement il eust fait bresche à sa virginité, mais le penetra comme un rayon du soleil fait un verre, pourquoy treuvera-t-on incroyable, s’il n'en occupe point en cet admirable sacrement?

CONSIDERATION IV

À souffert sous Ponce-Pilate, a esté crucifié, mort et ensevely.

Celuy qui t'a tantaymée, o mon ame, que te pouvant sauver par une seule goutte de son sang , ei la moindre de ses souffrances, a voulu neantmoins exposer tout son corps aux douleurs et passions d'une mort tres-amere pour te donner la vie, hé! c’est celuy-là mesme qui, pour te la conserver, te nourrit de ce mesme corps : n'est-il pas bien croyable? L'amour des meres ne se contente pas d’avoir produict l'enfant de la substance d'icelles, sl ne l'en fait encore nourrir. Et pour vray, apres tant d’especes et representations de ceste passion, desquelles ont esté repeus les serviteurs, comme ont esté l'agneau paschal, la manne et plusieurs autres, c’eust esté une trop maigre et froide commemoration d’icelles pour les enfans , de n’y employer autre chose que du simple pain et du vin.

CONSIDERATION V

Est descendu aux enfers : le tiers (1) jour est ressuscité des morts.

C'est luy qui pouvant visiter en mulle autres façons les siens, qui estoient au sein d'Abraham, descendit toutesfois aux enfers, pour les visiter en la reelle presence de son ame. Ce n’est merveille si, pouvant nous nourrir en plusieurs autres manieres, il a choisy la plus chere, admirable et aymable, qui est de nous donner en viande sa propre chair. Que si, par sa resurrection, il

(1) Troisième.

delivra son corps des qualitez grossieres de passibilité, pesanteur, epaisseur, obscurité, et autres semblables, si (1) qu'il a traversé la pierre, et est entré les portes fermées, ce qui ne s’est peu faire sans mettre deux corps en un lieu, en sorte que l’un n’en occupast point ; il s’est rendu invisible, impalpable, imperceptible, et sans occuper place; pourquoy ne le fera-t-il en ce sacrement, quoy qu'invisible, et sans occuper lieu, puis qu'il a dit qu'il y estoit? A quel propos rechercherions-nous plus en luy les conditions d’un corps mortel et corruptible?

CONSIDERATION VI

Est monté aux cieux ; est assis à la dextre (2) de Dieu le Pere tout-puissant,

Treuverons-nous estrange que ce corps vienne reellement et de fait, quoy que surnaturellement, dans les nostres, puis que, plus leger qu'un oyseau, outre-passant toutes les regles d'un corps humain, 1l est monté sur tous les cieux, il est assis à la dextre de Dieu son Pere sur tous les cieux, où il n’occupe plus ny lieu, ny place? car, quelle superficie peut environner le corps qui est au-dessus de tout autre corps? Pourquoy ne sera-t-il bien icy-bas sans tenir ny remplir aucun lieu, ny aucune place ?

CONSIDERATION VII

Et de là viendra juger les vivans et les morts.

Ainsi, n’estant plus subjet à lieu, ny place, ny pesanteur, il comparoistra en l’air au dernier jour, avec ses Saincts, visible à tous les hommes, où qu'ils soyent, quoy qu'avec divers effects, non sans aussi grand miracle que celuy par lequel 1l est invisible en ce grand sacrement; et lors il jugera coulpables de son corps et de son sang ceux qui auront mangé et beu indignement ce tant precieux et adorable sacrement, pour n'avoir discerné le corps du Seigneur. De quelle viande fut-il jamais dit que qui la mangeroit indignement estoit coulpable du corps de Jesus-Christ, sinon de celle-cy, laquelle estant reellement le corps de Jesus- Christ, rend aussi reellement coulpables d’iceluy ceux qui en abusent, et ne le discernent point? On n’avoit pas rendu un si severe arrest pour la manne et l'agneau paschal, quoy qu’en iceux on mangeast par foy et spirituellement Jesus-Christ mesme.

(4) Tellement. — 2) Droite.

CONSIDERATION VIII

Je croy au Sainct-Esprit.

Comme tout ce que Dieu à fait, il l’a fait par l'œuvre du Sainct-Esprit, ainsi maintenant il fait par l'œuvre du Sainct- Esprit ces choses surnaturelles, qu'autre que la foy ne peut concevoir. Comme me sera fait cecy, dit la Saincte Vierge; car je ne cognois point d'homme? L'archange Gabriel respond : Le Sainct-Esprit surviendra en toy, et la vertu du Souverain t’obombrera (Luc. 1). Et maintenant tu demandes comme le pain sera fait corps de Jesus-Christ? et je te respons aussi, moy : Le Sainct-Esprit en-ombre et opere ces choses par dessus toute parolle et intelligence. Le Sainct-Esprit, qui a dicté les sainctes Escritures, eust-il bien mis en icelles des parolles si expresses et vives, comme sont celles-cy : Cecy est mon corps, si ce n’estoit le vray corps de Nostre-Seigneur? n’y eust-il pas fait mettre quelque declaration de son intention, s’il l’eust eu autre que ces parolles ne portent en leur sens propre et premier? et-luy qui est docteur de l'Eglise, l’eust-il laissé aller, en un article si important, à l'erreur et mensonge, et l’eust-il abandonnée si longuement ?

CONSIDERATION IX

La saincte Eglise universelle, la communion des Saincts.

Et pour vray, comment pourroit-on appeller l'Eglise saincte, qui n’est qu'une, seule, universelle, si elle n’eust maintenu la verité, tant en ce fait comme és autres, en tous tems, en tous lieux, et parmy toutes nations? ce qu'elle n’auroit pas fait, si le vray corps de Nostre-Seigneur n’estoit en ce sacrement.

Mais y a-t-il plus parfaicte communion des Saincts que celle-cy, en laquelle nous sommes tous un pain et un corps? d'autant que nous sommes tous participans d’un mesme pain, qui est descendu du ciel, vivant et vivifiant; et comme mangerions-nous tous d’un mesme pain, si ce pain n'estoit le corps de Jesus- Christ? autant de lieux autant de pains divers y auroit-il. Et si nous ne mangions qu'une mesme viande spirituelle par la foy, quelle plus grande communion auroit le chrestien avec les autres chrestiens, qu'avec les Juifs qui mangeoient aussi Jesus-Christ par foy, et par consequent une mesme viandé spirituelle?

CONSIDERATION X

La remission des pechez.

Seigneur, vous avez dit que vostre corps et vostre sang, en ce sacrement, estoit donné, rompu, respandu pour plusieurs en remission des pechez : ha! jà n’advienne (1) que je croye qu'autre sang ayt esté respandu et autre corps donné pour la remission de mes pechez, que le vostre propre et naturel. Et quoy, une simple figure et commemoration auroit-elle bien ce pouvoir ? Le sang de la genisse respandu, quoy que figure du sang respandu sur la croix, ne sanctifioit que quant à la pureté de la chair : non, c’est le propre sang de vostre Majesté qui nettoye nos consciences des œuvres mortes, pour servir au Dieu vivant.

CONSIDERATION XI

La resurrection de la chair.

Hé ! benin Jesus, quand sera-ce qu’en un moment, en un clin d'œil, à la derniere trompette les morts ressusciteront (1. Cor. 15), et la mesme chair d’un chascun, jà dissipée en cent mille façons, sera reproduicte l’autre fois en forme incorruptible et immortelle ? Mon Dieu, quelle merveille ! Mais cependant j'admireray chose presque pareille : en un moment, en un clin d'œil, à la trompette de vostre parolle, vostre mesme corps, qui est assis à la dextre du Pere au ciel, est en certaine façon reproduict en ce sacrement partout où le mystere en est celebré.

Mais, Ô Seigneur admirable, si un peu de levain fait bien lever toute une grande masse de paste; si une bleuette de feu suffict pour embrazer une maison; si un grain mis en terre rend fertile la terre, et en reproduict tant d’autres ; combien dois-je esperer que vostre benit corps, entrant au mien, la sayson estant venué, il le relevera de sa corruption , l’enflammera de sa gloire, et le reproduira immortel, impassible, subtil, agile, resplendissant, et assorty de toutes les qualitez glorieuses qui se peuvent esperer ? Ceste vigueur ne se peut treuver és figures, il faut qu’elle parte de la verité de vostre tres-precieux corps.

CONSIDERATION XII

La vie eternelle,

Et de fait, quelle autre viande, à Sauvetfr, si ce n’est vostre corps, peut donner la vie eternelle ? Il faut un pain vivant pour

(1) A Dieu ne plaise.

donner la vie, un pain descendu du ciel pour donner une vie celeste, un pain quisoit vous-mesme, mon Seigneur et mon Dieu, pour donner la vie immortelle, et eternelle et perdurable. La manne, quoy que vraye figure de vostre corps, ne pouvoit pas tant ; il faut une viande plus solide et moüelleuse pour une telle vie; quelle autre peut estre employée que vous, qui estes vivant és siecles des siecles. Amen. Dieu soit beny.

Preparation à la saincte Communion, dressée pour quelques religieuses.

(Voyez tome II, pages 245 à 253.)

EX ENERGIE LD UN SORT Examen de conscience.

L'EXAMEN de conscience, qui se fait tousjours avant d’aller se coucher, se prattique ainsi :