EXERCICES DE LA SAINCTE MESSE
A l'Evangile. (Jesus est mocqué et ramené devant Pilate.)
Mon Seigneur Jesus-Christ, qui avez souffert d’estre renvoyé d’'Herode à Pilate, qui devinrent amys par ce moyen, faites-moy la grace de ne pas craindre les conspirations que les meschans font contre moy, mais d'en ürer du profit, affin d’estre digne de vous estre conforme. Amen.
À l'ouverture du calice. (Jesus est despouillé.)
Mon Seigneur Jesus-Christ, qui avez voulu estre despoüillé de vos habits et cruellement fouetté pour mon salut, faites-moy la grace de me descharger des pechez par une bonne confession, affin de ne pas paroistre devant vos yeux despouillé des vertus chretiennes. Amen.
A l’Offertoire. (Jesus est fouetté.)
Mon Seigneur Jesus-Christ, qui avez voulu estre lié à la colomne , et dechiré à coups de fouets, donnez-moy la grace d’endurer patiemment les fleaux de vostre correction paternelle, et de ne vous point affliger dorenavant par mes pechez. Amen.
Lorsqu'on couvre le calice. (Jesus est couronné.)
Mon Seigneur Jesus-Christ, qui avez voulu estre couronné d'espines pour moy, faites que je sois tellement picqué par les espines de la penitence en ce monde, que je merite d’estre couronné au ciel. Amen.
Lorsque le prestre lave ses mains. (Pilate lave ses mains.)
Mon Seigneur Jesus-Christ, Fils de Dieu vivant, qui, estant declaré innocent par la sentence du president Pilate , avez souffert les impostures et les reproches des Juifs, donnez-moy la grace de vivre dans l'innocence, et de ne me point inquietter de mes ennemys. Amen.
A l’Orate fratres. (Pilate dit aux Juifs : Ecce homo.)
Mon Seigneur Jesus-Christ, qui avez voulu estre bafoué pour moy en presence des Juifs, portant les marques de leurs risées, faites que je ne ressente point le chastoüillement de la vaine gloire, et que je comparoisse au jugement sous l'enseigne de ces marques mystiques.
A la Preface. (Jesus est condamné à mort.)
Mon Seigneur Jesus-Christ, qui avez voulu, quoy qu'innocent, estre condamné pour moy au supplice de la croix, donnez-moy
la force de soutenir la sentence d’une mort cruelle pour vostre amour, et de ne redoubter pas les faux jugemens des hommes, et de ne juger personne injustement. Amen.
Au Memento pour les vivans. (Jesus porte sa croix.)
Mon Seigneur Jesus-Christ, qui avez porté la croix pour moy sur vos espaules, faites que j'embrasse volontairement la croix de la mortification, et que je la porte journellement pour vostre amour. Amen.
À l’action. (Sté Veronique essuye d’un linge la face de Nostre-Seigneur.)
Mon Seigneur Jesus-Christ, qui, estant dans le chemin par lequel vous marchiez au supplice de la croix, avez dit aux femmes qui pleuroient pour l'amour de vous, qu’elles devoient pleurer pour elles-mesmes, donnez-moy la grace de bien pleurer mes pechez, donnez-moy les larmes d’une saincte compassion et d’un sainct amour, qui me rendent aggreable à vostre saincte Majesté.
A la benediction des offrandes. (Jesus est attaché en croix.)
Mon Seigneur Jesus-Christ, qui avez voulu estre attaché en croix pour mon salut, y attachant avec vous l'obligation de nos pechez et de la mort, percez ma chair d’une saincte crainte, affin qu'embrassant fortement vos commandemens, je sois tousjours attaché à vostre croix. Amen.
A l’Eslevation de l’hostie. (Jesus-Christ crucifié est eslevé.)
Mon Seigneur Jesus-Christ, qui avez voulu estre eslevé en croix, et exalté de la terre pour moy, rétirez-moy des affections terrestres, eslevez mon ésprit à la considération des choses celestes. Amen.
A l'Eslevation du calice. (Le sang de Jesus-Christ coule de ses playes.)
Mon Seigneur Jesus-Christ, qui avez fait couler de vos playes salutaires la fontaine de vos graces, faites que vostre sacré sang me fortitie contre les mauvais desirs, et me soit un remede salutaire à tous mes pechez. Amen.
Au Memento pour les trespassez. (Jesus prie pour les hommes.)
Mon Seigneur Jesus-Christ, qui, estant attaché à la croix, avez prié vostre Pere pour tous les hommes, mesme pour vos bourreaux, donnez-moy l'esprit de douceur et de patience qui me fasse aymer mes ennemys, rendre le bien pour le mal, suivant vostre exemple et vos commandemens. Amen.
cz D
