EXERCICE DE LA SAINCTE MESSE
re
1. EsranT arrivé à l’eglise, tandis que le prestre preparera le calice et le messel, mettez-vous en la presence de Dieu, et luy demandez la grace de luy rendre tout l'honneur qu’il pretend par ce divin sacrifice.
2. Au Confiteor, prosternez-vous en esprit devant Dieu, recognoissez vos pechez, detestez-les et luy en demandez pardon par des actes fervens de contrition. Apres cela, dites le chapelet, ou telles autres prieres que vous gousterez le plus, jusqu’à l’Evanaile.
3. Depuis l'Evangile jusqu'à la Preface, faites la profession de foy. recitant le Credo, protestant mentalement de vouloir vivre et mourir en la foy de la saincte Eglise.
4. Apres le Sanctus, pensez avec humilité et respect au benefice de la mort et passion de Nostre-Seigneur, le suppliant d'en vouloir appliquer le merite au salut de tout le monde, au wostre particulier, à la gloire et au bonheur des Saincts, et au soulagement des ames du purgatoire.
5. A l'Eslevation, adorez tres-profondement le divin Sauveur et l’offrez à Dieu son Pere pour la remission de vos pechez et de ceux de tous les hommes, vous offrant vous-mesme avec toute l'Eglise en l’unyon de ce divin sacrifice.
6. Apres l'Eslevation, remerciez-le tres-humblement de l’institution de ce tres-auguste sacrement et de la grace qu'il vous a faite d'y pouvoir participer.
1. Au Pater, recitez-le avec le prestre vocalement, avec autant d’humilité et de devotion, comme si vous l’oyiez de la propre bouche de Nostre-Seigneur.
8. À la Communion du prestre, faites-la aussi reellement ou spirituellement, vous approchant de Nostre-Seigneur avec un sainct desir d’estre uny à luy, et de le recevoir en vostre cœur.
9. Apres Ja saincte Communion, contemplez Nostre-Seigneur assis dans vostre cœur, et faites venir devant luy vos sens et vos puissances, pour oùyr ses commandemens et pour luy PrO> mettre fidellité.
10. À la benediction du prestre, recevez-la comme si elle estoit donnée par Nostre-Seigneur Jesus-Christ mesme.
EXERCICES DE LA SAINCTE MESSE. 59e
DEVOTES MEDITATIONS SUR TOUS LES MYSTERES DU SAINCT SACRIFICE DE LA MESSE.
PeTiTE PREFACE (tirée d’Alb. Flac. Alcuinus, liv. III des Offices divins).
ON celebre la saincte Messe en memoire de la passion de Nostre-Seigneur Jesus-Christ, comme il a commandé à ses Apostres, leur donnant son corps et son sang, et leur disant : Hoc facite in Mmeam commemorationem , C'est-à-dire : Faites cela en memoire de moy; comme s’il vouloit dire : Souvenez-vous que j'ay enduré pour vostre salut, prattiquez donc ce mesme mystere pour vous et pour les vostres.
L'entrée du prestre à l'autel. (Jesus entre au Jardin.)
Mon Seigneur Jesus-Christ, Fils de Dieu vivant, quiavez voulu estre saisy de crainte et de tristesse à l'instant de vostre passion, donnez-moy la grace de vous consacrer tous mes ennuys. O Dieu de mon cœur, aydez-moy à les endurer dans l’unyon de vos souffrances et tristesses, affin que, par le merite de vostre passion ils me soient rendus salutaires. Amen.
Au commencement de la Messe. (Les prieres de Jesus au Jardin.)
Mon Seigneur Jesus-Christ, Fils de Dieu vivant, qui avez voulu estre conforté lorsque vous priiez au jardin des Olives, faites que, par la vertu de vostre orayson, vosire sainct ange m'’assiste tousjours en mes prieres.
Au Confiteor. (Jesus est courbé en terre.)
Mon Seigneur Jesus-Christ, qui avez sué du sang par tous vos membres et dans l’exces de vostre douleur, lorsque estant reduit à l’agonie, vous prüez le Pere eternel au Jardin, faites que, par le souvenir de vostre passion, je puisse participer à vos douleurs divines, et qu'au lieu de sang, je verse des larmes pour mes pechez.
Au bayser de l’autel. (Jesus est trahy par le bayser de Judas.)
Mon Seigneur Jesus-Christ, qui avez enduré le bayser du traistre Judas, faites-moy la grace de ne vous trahyr jamais, et de rendre à mes calomniateurs les offices d'une amytié chrestienne. Amen.
À l'Epistre (1). ‘Jesus est mené prisonnier.) .
Mon Seigneur Jesus-Christ, qui avez bien voulu estre garrotté par les mains des meschans, rompez les chaisnes de mes pechez, et retenez-moy tellement par les liens de la charité et de vos commandemens, que les puissances de mon ame et de mon corps ne s’eschappent point à commettre aucune chose qui soit contraire à vostre saincte volonté.
À l'Introït. (Jesus est souffleté.)
Mon Seigneur Jesus-Christ, qui avez voulu estre conduict comme un criminel à la maison d'Anne, faites-moy la grace de ne pas estre attiré au peché par l'esprit malin, ou par les hommes pervers, mais d’estre guidé par vostre Sainct-Esprit à tout ce qui est aggreable à vostre divine volonté. Amen.
Au Kyrie eleison. (Jesus est renyé par Pierre.)
Mon Seigneur Jesus-Christ, qui avez permis d’estre trois fois renyé en la maison de Caïphe par le prince des Apostres, preservez-moy des mauvaises compaigaies, affin que le peché ne me separe jamais de vous. Amen.
Au Dominus vobiscum. (Jesus regarde Pierre, et le convertit.)
Mon Seigneur Jesus-Christ, qui, par un regard de vostre amour, avez tiré des yeux de S. Pierre les larmes d’une veritable penitence, faites, par vostre misericorde, que je pleure amerement mes pechez, et que je ne vous renye jamais de fait ou de parolle, vous qui estes mon Seigneur et mon Dieu. Amen.
A l'Epistre. (Jesus est mené chez Pilate.)
Mon Seigneur Jesus-Christ, qui avez voulu estre mené devant Pilate, et accusé faussement en sa présence, apprenez-moy le moyen d’eviter les tromperies des meschans, et de professer vostre foy par la prattique des bonnes œuvres. Amen.
Au Munda cor meum. (Jesus est mené chez Herode.)
Mon Seigneur Jesus-Christ, qui, estant en la presence d'Herode, avez souffert les fausses accusations sans repliquer un seul mot, donnez-moy la force d’endurer courageusement les injures des calomniateurs, et de ne pas publier aux indignes les sacrez mysteres. Amen.
(4) C'est-à-dire, le prestre va du costé de l’epistre.
