MAI 1449, AU 30 OCTOBRE

Le premier feuillet contient au tvclo la coppie collationnée sur trois originaux et signée par Lambet et Benjamin d'une lettre d'Ysabelle , par la grâce de Dieu, reyne de Jérusalem et de Sicile, duchesse d'Anjou, de Bar et de Lorraine, contesse de Prouvence, de Fourcalquier et de Pymont, donnée en son chastel de Tharascon le pénultième jour de mars l'an mil cccc quarante et huit, signée Ysabel. Et par la Reyne Gilles de Bourmont conseillier et maistre d'hoslel. Elle veult et ordonne, de l'ad vis de son seigneur, que les deniers, revenus, prouffit et émolument des tabliers de son dict pays de Prouvence soient employez ou paiement de certain nombre de bons chappellains et chantres qui doresenavant, chacun jour, feront beaux sermons devant mon dict seigneur et nous, ou l'un de nous en l'absence de l'autre. Pour lesquelz deniers recevoir, cuillir et faire venir ens et les distribuer pour le fait de nostre dicte chappelle, comme dict est, soit besoing et neccessité comectre et ordonner homme à ce propre et à nous feable , qui en puisse et scache rendre bon compte et reliqua quant et où il appartiendra, savoir faisons que nous confians de la discrecion, prodomie et loyauté que par vraye expérience savons estre en la personne de nostre amé et féal secrétaire et receveur gênerai de noz finances Jehan de Vacincourt, icelui pour les causes et autres à ce nous nommons et aussi par l'advis de mon dict seigneur, avons commis et ordonné, comectons et

( tu )

ordonnons par ces présentes à affermer, arrender et bailler le prouffit et émolument d'iceulx tabliers au plus offrant et dernier enchérisseur ou autrement en la meilleure manière qu'il verra estre assez ou plus grand prouffit de mon dict seigneur et nous. Et les deniers qui en ysseront, recevoir, cuillir, amasser et les distribuer par noz lettres et mandemens ou payement de gaiges dessusdictz , jusques au nombre de douze chantres et au dessoubz comme par nous luy sera ordonné. Auquel Jehan de Vacincourt nous avons donné et donnons puissance , auctorité et mandement especial de contraindre et faire contraindre ceulx qui pour ce seront à contraindre tant du passé que pour l'avenir, pour aucune chose en est donc par toutes voyes et manières deues et raisonnables, comme il est accoustumé pour noz propres debtes ; et que en son absence il puisse à ce comectre ung ou plusieurs gens qui aient semblable puissance et auctorité; et en oultre pour ses paines et diligences qu'il pourra avoir au fait de iadicte recepte et distribucion d'icelle, nous luy avons ordonné , donné et tauxé la somme de vingt escuz d'or de gaiges par chascun an tant et si longuement qu'il s'entremectra dudict fait, que voulions qu'il prenne par sa main des deniers desdictz tabliers à comancer au premier jour du moys de may prochain venant que lesdictz chantres entreront en investiture. Et donnons en mandement à qui il peut appartenir prions et requérons ou senneschal , chancelier, trésorier et autres justiciers et officiers de nostre dict pays de Prouvence, aux gens de la chambre des comptes ou autres comis ou à comectre à l'audicion des comptes dudict Vacincourt et iceluy d'eulx, se corne a luy appartend, ont de nostre présente ordonnance comission, voulenté et tauxacion, le facent, souffrent et laissent joyr et user plainement et paisiblement en rabatant et allouant en la despense de ses dictz comptes de Iadicte recepte ses dictz gaiges en la manière dessusdicte.