TOME I

dict greffier les cierges ardens de cire blanche des dicls Chenaliers et Escuyers dn poids de trois liures, et celuv du sénateur de six hures, au haut duquel sera attaché un blason des armes de monsieur S. Maurice et dessoubz sera le blason des armes du sénateur et seront attachez a tous les autres cierges les blasons des armes de ceux qui les offriront, et ce faict le greffier baillera aux dicts Cheualiers et Escuyers les dicts cierges ardens qu'ils offriront auec une pièce d'or de valeur.

Apres que les dicts Cheualiers et Escuyers auront tous offert, le chancelier de l'Ordre et vice chancelier offriront leurs cierges armoyez de leurs armes, et après les trésorier greffier, roy d'armes et poursuvuant.

Apres le disner les Cheualiers et Escuyers entreront en conclaue et tiendront conseil gênerai pour aduiser les choses qui seront a faire au bien et honneur de l'Ordre, mesmement pour eslire le lieu plus conuenable pour tenir le chapitre gênerai et faire la leste de Monsieur Sainct Maurice pour l'année adueuir.

Au dict conseil s'eslira le sénateur nouueau pour l'autre année par la voix et élection de la plus part des dicts Cheualiers et Escuyers, et le vieil prendra le serment du nouueau en commandant au greffier les lettres pour ce nécessaires et luv baillant outre les chapitres statuts et autres escriptures et enseignemens qui toucheront le dict Ordre, après vespres s'en iront accompaigner le sénateur nouveau a son hostel.

Le lendemain de la dicte feste S. Maurice, les dicts Cheualiers et Escuyers reuiendront vestus de robes noires fourrez d'aigneaux noirs et sur les testes porteront chaperons noirs pour mener a l'église le sénateur ou ils feront célébrer une haulte messe de requiem pour les âmes des Cheualiers et Escuyers trespassez depuis la fondation de l'Ordre.

Quand il aduiendra que aucun des Cheualiers et Escuyers de l'Ordre trespassera incontinent qu'il sera faict scavoir par tes tettrcs du sénateur aux autres de l'Ordre, chacun d'eux sera tenu de faire célébrer en l'église

trente messes de requiem le plustost qu'il pourra, et quoy que ce soit en dedans de Fan pour les aines des dicts deffuncfs.

Chacun des dicts Cheualiers et Escuyers de l'Ordre sera tenu de faire mettre soubz le blason et escu de ses armes le Croissant chamaillé tel qu'il le porte soubz le bras dextre par tous les lieux et places ou il fera peindre et entailler ses dictes armes tant en sa maison ou il fera sa demeure que partout ailleurs ou il voucha mettre ses dictes armes.

Et pour ce que l'église cathedralle d'Angers est fondée de Monsieur Sainct Maurice glorieux cliief et patron de l'Ordre est fait et fondé en la croisée a main droite deuers les cloistres de ladicte église un très bel autel et au dessus d'iceluy l'image du dict Sainct et en icelle sont mis et assis des tablaux de bois de hauteur de quatre pieds ou enuiron, sur lesquels sont les armes auec les tymbres et cry d'un chacun des Cheualiers et Escuyers de l'Ordre ainsy qu'ils sont plus anciens créez en iceluy, et est fondée en la dicte chapelle une messe basse cotidienne laquelle sera la première de la dicte église.

Quand viendra la vigile de la feste de Sainct Maurice chacun des Cheualiers se fera confesser bien et deuotement au matin auant les vespres du dict Sainct.

Et pour que les Cheualiers et Escuyers de l'Ordre sont demeurans les uns es pais d'Anjou de Barrois et de Lorraine, les autres en Prouence et autres contrées et régions distantes et loingtaines les unes des autres, et qu'il seroit impossible au sénateur chief de l'Ordre de scavoir et cognoistre les vices et vertus d'iceux Cheualiers et Escuyers sans en auoir information d'autres que de soy mesme, est ordonné a ce que les Cheualiers et Escuyers se estudient de uiure uertueusement et user leur vie en bonnes meurs, accroissement d'honneur et bonne renommée a l'exemple de tous autres nobles hommes, que quand viendra le jour du chapitre gênerai par le dict sénateur sera commandé, et enjoinct au derrain estant en siège a bas qu'il isse du dict chapitre et assemblée, et attende hors jusques a ce qu'on l'appelle , et quand il sera party le sénateur interogera et de-

mandera a part a chacun des autres Cheualiers et Escuyers la presens par le serment qu'ils ont a l'Ordre, et s'ils ont ouy, veu ne sceu de leur frère et compaignon ainsy issu hors choses qui sont contre l'honneur et estât de noblesse mesme contre les statuts et ordonnances de l'Ordre et dont elle peust estre blasmée que ils le dient et se il estoit trouué par le raport des dicts Cheualiers et Escuyers ou aucuns d'eux que le dict Cheualier ou Escuyer ait commis ou faict aucune chose digne de reprehension et qui luy fust a charge d'honneur, il luy sera remonstré par le sénateur seul ou en compaignée ou trois bien veillans et amis d'iceluy qui ainsy sera appelle au choix et élection de luy et du dict sénateur a la corection des vices et amélioration et amendement de vertus en l'exortant et admonestant charitablement comme de raison appartient, et que tenu y est par serment, qu'il se corrige de tels et semblables vices, amende sa vie, face par manière que telle chose doibue cesser en luy pour laducnir, luy enoignant outre telle correction et pénitence qu'il aduisera estre de faire a sa discrétion et selon l'exigence du cas, et pareillement sera procédé au regard du prochain après et consequemment de tous les autres par ordre.

Et a lin que ce présent Ordre dure et soit entretenu bien et deuement a tousjours mais perpétuellement au plaisir de Dieu le tout puissant a l'exaltation de la vraye foy catholique , estant de nostre mère S. Eglise prospérité et félicité de la chose publique, le roy de Hierusalem et de Sicile, duc d'Anjou de Bar et de Lorraine, compte de Provence de Forcalquier et de Piémont, frère et inuenteur de ce dict Ordre, non uoulant soy dire ne appeler chef d'iceluy, ne attribuer a soy la gloire et louange mais icelle donner au benoist et glorieux archimartyr, Monseigneur S. Maurice, chef et patron du dict Ordre comme par plusieurs fois l'a dict et remonstré, en continuant tousjours en ce son propos de sa grâce douceur humanité et courtoisie a voulu estre comme le moindre du dict Ordre sans aucunement y auoir ne demander autre preminence et s'en dire et nommer seulement manutenteur ou entrepreneur soubz la protection du dict Sainct, et s'est obligé a iceluy Ordre entretenir et maintenir sa vie durant et a faire payer et continuer les gages des officiers du dict Ordre auec les frais et despens pour ce nécessaires et pareillement de son commandement et

ordonnance s'y est obligé Monseigneur le duc de Calabre son fils unique et seul héritier auec tous leurs hoirs et successeurs, et outre a promis mon dict seigneur et duc de y faire obliger Monseigneur Nicolas son aisné fils luy venu a son aage, et tous autres ses fds ligitimes qu'il pouroit avoir chacun pour soy ou cas que la seigneurie et duché d'Anjou luy viendrait et ainsi subsequemnient tous les autres seigneurs et ducs d'Anjou, de hoir en hoir comme toutes ces choses peuuent plus a plain apparoir par instrument public passé par deux nottaires apostolicques et impériaux. Donné le et troisième jour de septembre l'an mil quatre cent cinquante et un , et mesmement par les lettres patentes des dicts seigneurs , lesquelles sont au trésor avec les autres lettres et chartes touchant le dict Ordre.