S ENSUIVENT LES CEREMONIES DE L ORDRE DU CROISSANT

Premièrement la surueille de la feste de Monsieur S1 Maurice tous les Cbeualiers et Escuvers du dict Ordre se doibuent trouuer ensemble s'il est possible tous les ans ou prouuer pour eux et les officiers aussy sinon qu'ils ayent exoine légitime au lieu ou sera le sénateur du dict Ordre, et se rendre en son logis pour aduiser les choses qui seront a faire pour ladicte feste tant a l'église que de hors et de ce doibuent tenir conseil , et après ce au lieu et a l'heure que par le sénateur leur sera signifié la vigile de la dicte feste, les dicts seigneurs Cheualiers et Escuyers et les olïiciers y doibuent estre pour aller aux vespres en la manière qui sensuit.

Premièrement le poursuyuant ayant vestu une cotte d'armes Monsieur S1 Maurice le greffier et le trésorier ensemble , le dict trésorier a la dextre le maistre des requestes et le chancelier ensemble le Cheualier a la dextre.

Apres les Cheualiers et Escuyers iront deux a deux et s'ils sont non pair iront trois ensemble a ceux qui sont derrains entrez en iceluy Ordre iront les premiers, et le plus ancien entré au dict Ordre sera a la dextre, le sénateur sera le dernier le rov d'armes deuant luy vestu d'une cotte d'armes du dict Sainct, le chapelain et confesseur du dict Ordre doit estre après le dict sénateur.

Les Cheualiers et Escuyers doibuent estre vestus des habillemens qui s'ensuiuent, c'est ascavoir leur robbe de damas cendré longue jusques en terre, fendue au costé clextre ceux des princes doibuent estre de velours cramoisi fourrez de lefices et ceux des Escuyers de satin cramoisi fourrez de menu vair et doibuent auoir sur leurs testes les dicts Cheualiers chapeaux de velours noir bordé d'un recte d'or, et sur le dict chapeau un soleil d'or, et les Escuyers doibuent avoir chapeaux doublez de satin noir, bordez d'une recte d'argent et dessus les chapeaux un soleil d'argent.

Doibuent aller deux a deux a l'église, et en allant doibuent approcher les uns des autres de la longueur de demye lame.

Estans a l'église la ou sont leurs sièges et carreaux, les uns a la dextre et les autres a la senestre hors de leurs sièges, se doibuent tenir sur pied jusqu'à ce que le sénateur ait fait son oraison deuant le grand autel, et quand il sera retourné et assis en sa chaire, les dicts seigneurs et frères du dict ordre doibuent, comme ils sont venus l'un après l'autre entrer en leurs sièges, et quand le sénateur ira faire son oraison deuant le grand autier, le rov d'armes doibt aller deuant luy jusques a sa chaire, et le poursuyuant luy doit porter un carreau pour soy agenouiller quand il sera deuant le grand autier.

Apres se assiéront les olîîciers chacun a son ordre et le poursuvuant sera sur pieds a la senestre du dict sénateur , pour estre prêt a faire ce que le dict sénateur et le roy d'armes luy commanderont.

Apres que l'ensens aura esté présenté au prélat, doibt estre baillé au sénateur, et après a un chacun des dicts sieurs et frères.

Apres les vespres dites les plus anciens créez du dict Ordre se doibuent les premiers issir de leurs sièges , pour faire voye aux autres et doibuent estre sur pied deuant leurs dicts sièges jusques a ce que le sénateur ait esté faire son oraison et retourné a sa chaire cela faict les frères et officiers s'en doibuent retourner en l'ordonnance deuant dicte et conduire le sénateur en son logis et doibuent souper ensemble, et ne doibuent oster

leurs manteaux jusques a ce qu'ils ayeat prins l'eau et que le Benedicite soit et après le peuuent oster et après le disner doibuent reprendre leurs manteaux pour venir a grâces.

Le sénateur est le premier assis et seruy a couvert et nul autre non, et après le sénateur est assis le chapelain et confesseur du dict Ordre et les autres frères ensuyuant.

Le roy d'armes et le poursuyuant doibuent aller au deuant de la viande avec leurs cottes d'armes.

Le chancelier, monsr des requestes., trésorier et greffier doibuent estre a une table et le roy d'armes doibt estre seul à une petite table deuant le dict sénateur et doibt estre seruy par le poursuyuant, et doibuent auoir le dict roy d'armes et poursuyuant leurs cottes d'armes vestus durant le souper, et leur doit assigner le sénateur lieu et heure ou ils se rendront le lendemain feste de Saint Maurice pour aller ouyr la messe et doibuent aller en l'ordonnance deuant dicte comme aux vespres.

Et après la messe doibuent disner ensemble , puis tenir le chapitre gênerai et eslir un sénateur nouueau pour l'année aduenir, et le lendemain faire célébrer la messe pour les trespassez comme il a esté dict.