X. M TA VANNES

# fin, laissez moy faire, je vous responds de toutes ces- «t places. »

Il y sut quelqu'un là présent qui l'en ouyt parler ainsy, e£ dict à un autre : « Voylà le discours du roy « Picrocole, de Rabellais, ou de la femme du pot au « lait , qui le portoit vendre au marche et en faisoit « de beaux petits songes et projectz; mais sur ce il se « cassa. » Ainsy qu'il luy arriva; car, estant party d'avec le Roy, et marchant en bonne resolution et affection de le bien servir avec son armée, il n'alla guieres avant, car il tumba malade à Ghastres soubs Montlery, et là il mourut.

Il y a un très grand prince de par le monde aujourd'huy, qui me dict au siège de La Rochelle, et le tenir du feu roy Henry III, qu'il mourut comme enragé et désespéré;. ce que je ne croy , car ce prince estdit de la religion, et ne vouloit trop grand bien à M. de Tavannes. Il peut estre aussy que ouy, car Dieu envoyé telles afflictions aux sanguinaires. Tant y a que lors qu'il mourut il mourut un très grand capitaine; et s'il eust faict le siège de La Rochelle, possible seroit elle en la disposition du Roy, et très bien prise : possible que non ; mais l'on s'y fust comporté d'autre façon qu'on ne fit, parce qu'il s'entendoit bien en cela et commandoit fort impérieusement.

M. l'Admirai et luy avoient estez contemporains et un peu compagnons de court; mais M. de Tavannes estoit plus vieux que luy, et avoient esté fort fols enjoiïez de leur, temps à la Court, et rudes; mais M. de Tavannes le surpassoit, jusques à monter sur les maisons et à sauter d'une rue en l'autre sur les tuilles. On disoit sur leur (in que c'estoient deux grands capitaines

46o M. DE TÀVAMNES.

de ce temps , qui portoient le nom de Gaspard chascun , sçavoir l'un Gaspard de Colligny, qui estoit M. l'Admirai, et l'autre Gaspard de Saux, qui estoit M. de Tavannes : mais M. l'Admirai le sùrpassoit fort, comme il a paru par les grandes et grosses pierres qu'il a remuées en son temps, ce que n'eust sceu faire si aysement l'autre. Voylà ce qu'on en disoit lors.