C.-à-d. : il faut qu'on la garde bien

S'il VOUS plaist me prester vostre Royalle oreille, Et qu'entre vos pensers mes vers puissent entrer,

$2 Et de vostre faveur le bon heur rencontrer. Avant l'ingénieuse ordonnance du monde, Le feu, l'air, & la terre, & l'enfleure de l'onde Estoyent dans un monceau confusément enclos,

56 Monceau que du nom grec on nomme le Chaos, Sans forme, sans beauté, lourde & pesante mace. Comme un corps engourdi ne bougeoit d'une place : Le chaud avoit débat avecques la froydeur,

60 Le pesant au léger, le froid contre l'ardeur. Et contre le corps sec l'humide avoit querelle, Sans jamais appaiser leur noise mutuelle : Mais la bonne Nature, & le grand Dieu qui est,

64 A qui tousjours la guerre & le discord desplaist. Chassa l'inimitié de leurs guerres encloses, Par l'ayde de la Paix mère de toutes choses : Loing au rond de la terre elle fist escumer

68 A part en leur vaisseau les vagues de la mer ', Et plus loing de la mer sépara la closture Du Ciel, qui va bornant les œuvres de nature. Et du feu tressubtil, & du ciel etheré

72 L'air le plus espaissi en bas a retiré *.

55-56. 78-84 Estoient ea un monceau... on suriiomme Chaos 65. 6J-84 & leurs guerres