Pour la lui sacrifier. Cf. Virgile, Bue. III, 85 sq

Un ruisseau le plus clair, un antre le plus frais, Et luy offrant ses vœus, hautement ne l'appelle

112 Sur cent autelz nouveaux la Françoise Cybelle '. O Bergère d'honneur les saules ne sont pas Aux aigneletz sevrez si gratieux repas, Ny le Printemps n'est point si plaisant aux fleurettes,

n6 Ny la rosée aux prez, ny les blondes avettes N'ayment tant à baizer les roses & le thin. Que j'ayme à célébrer les honneurs de Catin.

Angelot.

Quand le bon Henriot, par rude destinée t2o Avant la nuict venue accomplit sa journée -, Noz troupeaux, prevoyans quelque futur danger, Languissoient par les champs sans boire ny manger : Et bellans & crians & tapis contre terre 424 Gisoient comme frapez de l'esclat du tonnerre.

Toutes choses ça bas pleuroient en desconfort : [24] Le Soleil s'enfuît pour ne voir telle mort. Et d'un crespe rouillé cacha sa teste blonde,