LE JUGEMENT DE JUPPITER

Apaisez vous, ne jouez plus des mains, Vous elemens, &. vous quatre planettes, Qui soubz mon Sceptre aussi humbles vous estes, Que desoubz vous sont humbles les humains.

J'ay, non pas vous, par mes propres dessains. Mis en ce Roy tant de vertus parfaittes Pour gouverner les terres que j'ay faittes : Car du grand Dieu les œuvres ne sont vains.

Et bien qu'il soit encores jeune d'aage, Des meintenant je veux faire un partage, Avecque lui de ce monde divers :

J'auray pour moy les cieux & le tonnerre, Et pour sa part, ce Prince aura la terre : Ainsi nous deux aurons tout l'univers.