I. C.-à-d. dont le renom avait captivé son cœuri

Dont l'envieux est par toy combatu.

Nul mieux que toy ne dompte en la campaigne Soit le roussin, soit le cheval d'Espaigne, A bride ronde, à voltes, ou au cours, Ou de pied coy, ou en cent mille tours • : Soit en cernant une ville assiégée, Soit combatant en bataille rangée, Escarmouchant, soit courant, ou mouvant Meinte poussière esparse sous le vent, Trompant les yeux de l'ennemy pour faire Q.u'en t'assaillant il se vienne deffaire.

Nul mieux que toy sous le faix du harnois Ne sçait combatre aux paisibles tournois. Ou soit en lice, ou soit à la carrière, A picque mousse, ou soit à la barrière 2, Lors que le fer non tranchant fait voiler En se rompant mille esclas dedans l'air : Et lors qu'on voit les Dames aparoistre A une tour, &à une fenestre.

Favorisant & de signes & d'yeux Ceux qu'en amour ell' estiment le mieux.

Nul mieux que toy ne suit par les bocages Les Cerfs rameux, ou les Sangliers sauvages Armez de foudre, ou le Dain plus léger,