C.-à-d. : alors que le Poète au contraire

Historiographe & non Poëte. Bref ce livre est un Roman comme l'Iliade etl'^neide, où par occasion le plus brefvement que je puis je traitte de nos Princes, d'autant que mon but est d'escrire les faits de Francien, & non de fil en fil, comme les Historiens, les gestes de nos Rois. Et si je parle de nos Monarques plus longuement que l'art Virgilien ne le permet, tu dois sçavoir. Lecteur, que Virgile (comme en toutes autres choses) en cette-cy est plus heureux que moy, qui vivoit sous Auguste, second Empereur, tellement que n'estant chargé que de peu de Rois & de Césars, ne devoir beaucoup allonger le papier, où ' j'ay le faix de soixante & trois Rois sur les bras. Et si tu me dis que d'un si grand nombre je ne devois eslire que les principaux, je te responds que Charles, nostre Seigneur & Roy, par une généreuse & magnanime candeur, n'a voulu permettre que ses ayeulx fussent préférez les uns aux autres, à fin que la bonté des bons, & la malice des mauvais luy fussent comme un exemple domestique, pour le retirer du vice, & le pousser à la vertu 2.

Au reste j'ay patronné mon oeuvre (dont ces quatre premiers livres te serviront d'eschantillon) plustost sur la naïve facilité d'Homère que sur la curieuse diligence de Virgile', imitant toutesfois à mon possible de l'un & de l'autre l'artifice & l'argument plus basty sur la vraysemblance que sur la vérité : car, pour ne dissimuler ce