AU SEIGNEUR DE RONSARD

II ne te faut, Ronsard, ny louer, ny chanter : En chantant noz ayeulx, tu te chantes comme eux, Du chant du rossignol, & sons harmonieux Du grand cigne François nul ne pourroit doubter :

Mais si quelque Zoile à ta muse attenter Vouloit, qui t'a logé si avant dans les cieux, Luy souvienne comment Bacchus pour un des dieux Des Pirates cogneu se faisoit redouter :

Le lierre & la vigne à sa marche naissoit, Le vin dessous ses pieds la carène emplissoit : Ou, Ronsard, que ton chef honneste se manie,

Sourd corymbe & laurier de ton pied l'Hippocrene : Les Corsaires poissons devindrent pour leur peine. Plus muette qu'eux tous tu rendras ton envie.

I. Même personnage que ci-dessus. Il signait souvent ainsi, par abréviarion de Pimpont.