LIVRE IV

Ne pourroient vivre, ains mourroient sans avoir

872 Un esprit vif qui le corps faict mouvoir,

Et chaut et pront par les membres a place :

Ainsi la grande universelle mace

Verroit par mort ses membres discordans,

876 S'elle n'avoit un esprit au dedans

Infus par tout qui l'agite et remue, ,

Et dont sa course en vie est maintenue,

Esprit actif meslé par ce grand Tout [i93]

880 Qui n'a milieu, commencement ny bout '.

Des Elemens, corruptible matière, Et du grand Dieu, dont l'essence est entière, Incorruptible, immortelle, et qui fait

884 Vivre par luy tout ce monde parfait.

Vient nostre genre : et les poissons qui nouent Et les oyseaux qui parmy l'air se jouent, Les habitans des bocages ombreux,

888 Et les serpens qui vivent en leur creux,

Voire du Ciel les diverses puissances, Tous ces Démons et ces Intelligences Vont de ces deux comme nous se formant,

892 De Dieu l'esprit, le corps de l'Elément.