LIVRE V, ODE IX

Nul mieux que toy parmy les boys, Ne contrefait leur belle voix, 4î Et nul par les roches haultaines

Ne les va mieux accompaignant, Ne mieux avec ell' se baignant Soubz le Cristal de leurs fontaines.

Nul mieux soubz les raiz de la nuict, ■50 Quand la Lune en son plein reluit

Sus l'herbe avec elles ne dance', Suyvantes le poulce divin De ce grand Alcée Angevin ^ Qui devant sonne la cadance.

>) Toy lors couronné du lien

Q.ue donne l'Arbre Delien 3,

Ores tu prens plaisir d'élire

Le premier ranc, or le meillieu,

Entre elles marchant comme un Dieu

60 Qui s'egave dessoubz la lyre.