Jus ne sure soubz ne sus (Cl. Marot

BALLADIS

En réagal, en arsenic rocher.

En orpigment, en salpestre et chaulx vive; En plomb boillant, pour mieulx les esmorcher^; En suif et poix, destrampez de lessive Faicte d'estronts et de pissat de Juifve; En lavaille de jambes à meseaulx; En raclure de piedz et vieulx houseaulx; En sang d'aspic et drogues venimeuses; En fiel de loups, de regnards et blereaux. Soient frittes ces langues envieuses^ !

En cervelle de chat qui hayt pescher'.

Noir, et si vieil qu'il n'ait dent en gencive; D'ung vieil mastin, qui vault bien aussi cher, Tout enragé, en sa bave et salive; En l'escume d'une mulle poussive, Detrenchée menu à bons ciseaulx; En eau où ratz plongent groings et museaulx, Raines, crapauds, telz bestes dangereuses, Serpens, lézards, et telz nobles oyseaulx, Soient frittes ces langues envieuses !