XXI. — BALLADE

On ne tient compte vrajouent De chose que face ne die; Appelé ne suis nullement En quelque bonne compaic^nie;

Tout mon fait n'est que mocquerie, Soit à cartes ou aultrement.

Sçavez-vous pourquoy, je vous prie?

Pource que je n'ay point d'argent.

Si me fault tenir sobrement Et endurer la maladie, Et regarder bien doulcement Ceux qui me feront courtoysie.

Car on voit l'amy et l'amye Au besoing, et non aultrement; Désespérer ne me dois mie Pource que je n'ay point d'argent.

Si divers est le temps présent, Et je vois Fortune endormie; Elle se resveille souvent, Se luy plaist, je lui en supplie.

M'esperance n'est point faillie :

Qui bien attend ne surattend; Je ne croy point que Dieu m'oublie Pource que je n'ai point d'argent.

BNVOI

Prince, à tout homme signifie :

Qui n'aura la bourse garnie Ne se mette point entre gent, Car partout chascun me regnie Pource qu8 je n'ay point d'argent.