XXII. — BALLADE

Estre trop franc et soy fier Au beau parler de mainte gent A fait maint homme mendier Et estre dcspourvcu d'argent :

Si dis, selon mon jugement.

Que ce seroit bonne manière De trestous les jeux bonnement Avoir tous] ours un pied derrière.

Cil qui se veut accompaignier Si doit bien regarder comment, Car il se met en grand dangier Qui s'accompagne follement.

Plusieurs maulx en viennent souvent.

Et pour avoir langue legiere.

Et seroit fait plus sagement D'avoir tousjours un pied derrière.

Despendre le sien de léger

Ne vient point de grant sensément,

Ne folles femmes accointer

Qui font despendre follement.

Et puis après on s'en repsnt,

Quand rien n'a en la gibessiere.

Ce seroit bien expédient

D'avoir tousjours un pied derrière,

Prince, faites publiquement Crier par chascune barrière

Que chascun ait entendement D'avoir tousjours un pied derrière.