XXV. — BALLADE d'un amoureux a sa dame

Adieu mon cueur, le maistre cueur d'amours. Adieu ma joye et trestout mon plaisir ! Je meurs d'angoisse et d'ameres douleurs Se n'ay de vous ung joyeux souvenir.

J'ay mis en vous tout mon plaisant désir Oui de mon cueur oncques n'estoit party; Si vous requiers que vueilliez secourir Le povre amant, de deul ensevely.

J'ay faict pour vous quatre cens mille tours. En vous querant, comme amoureux martyr; J'en ay veillé plus de cent mille jours, Tant qu'ay esté presque jusqu'au mourir Pour les douleurs que me faictes souffrir, Boys et buissons, pour vous, belle, ay sailly : Dond je vous pr}^ que vueilliez secourir Le povre amant, de deul ensevely.

Mon cueur si est trestout remply de plours. Car d'icelluy ne vous veult souvenir.

Je VOUS ay faict chnppoaux faiie de flouis, Pour vous donner; mais vous allez calir^ Incontinent que me verrez venir; Dond mon cueur est à merveilles marry.

Dame d'honneur, or vueillez cy oïr Le povre amant, de deul ensevely.

Ma doulce amour et mon loyal secours, Pource que à moy ne voulez obéir, Il me convient aller à mon secours.

Du dard d'amours avez voulu remplir Mon povre cueur, lequel s'en veut partir. Je prends congé, ma dame, adieu vous dy, Puisque aultrement n'avez voulu guérir Le povre amant, de deul ensevely.