Quand je me courrouce

M. J'entretiens. B. Je fais bel accueil. M. On me fait tout ce que je vueil, Quand nous sommes mon paige et moy.

B. Je ne demande qu'avoir dequoy, Belle amye, et vivre à requoy, Faire tous jours bonne entreprise.

Belles armes, loyal au Roy.

M. Mais trois poulx rempans en aboy Pour le gibier de la chemise^ !

B. Je porteroye pour ma devise

La marguerite en or assise

Et le houx partout estandu.

M. Vostre cry, quel? B. Nouvelle guise.

M. Riens en recepte, tant en mise.

Et, toute somme, item perdu.

B. Je vous seroye, au résidu,

Gorgias, sur le hault vestu.

Le bel estomac d'alouette.

M. Robbe? B. De gris blanc, gris perdu.

Bien emprunté et mal rendu.

Payé d'une belle estiquette.

M. Puis la chaîne d'or, la baguette,

Le lacqs de soye, la cornette...

B. De velours. M. C'est bel affîquet.

B. Quand nous aurions fait nostre empiète

La porte seroit bien estroicte.

Se ne passions jusqu'au ticquet.

I. Il veut sans doute dire qu'il porte dans ses armes trois poux rampants, représentant le blason de la gueuserie (P. Lacroix).

M. Nectelet. B. Gorgias. M. Fiiquet

B. De vert? M. Tousjours quelque bouquet.

B. Selon la saison de l'année. '

M. Et de paige? B. Quelque naquet^.

M. S'il vient hasart^ en ung banquet?

B. Le prendre entre bond et voilée.

M. Aux survenans? B. Chère meslée.

M. Aux povres duppes? B. La havée^ M. Et aux rustes? B. Le jobelin*.

M. Aux mignons de court? B. L'accollée. M. Aux gens de mesmes? B. La risée.

M. Et aux ouvriers? B. Le pathelin.

M. L'entretenir? B. Damoiselin.

M. Et saluer? B. Bas comme lin.

M. Et diviser? B. Motz tous nouveaulx.

Pour contenter le femynin.

Nous ferions plus d'ung esclin'

Qu'ung aultre de quinze royaulx.

M. Hée, cueurs joyeux ! B. Hée, cueurs loyaulx ! M. Prests. B. Prins. M. Prompts. B. Preux. M. Especiau B. Aymez. M. Supportez. B. Bien receuz. M. Nous devrions passer aux sceaulx Envers les officiers royaulx, Comme messieurs les despourveuz.