DIZAIN AU ROY ENVOYÉ DE SAVOYE

LiORS que la paour aux talons met des aesles, L'homme ne sçait ou s'enfuyr, ne courre, Si en enfer il sçait quelques nouvelles De sa seurté, au fm fons il se fourre : Puis peu à peu sa paour vient à escourre , Ailleurs s'en va : Sire, j'ay faict ainsi : Et vous requiers de permettre qu'icy

^ Voyez V Essai historique.

A seureté service je vous face :

Puny assez je seray en soucy , De plus ne veoir vostre royalle face.

XXXIY.

SALUTATION DU CAMP DE WONSIEUR d'ANGHIEN , A CERISOLES. *

O 0 IT en ce camp paix pour mieulx faire guerre,

Dieu doint au chef suitte de son bon heur

Aux chevalliers désir de los acquerre ,

Aux piétons prouffict joinct à l'honneur.

Tout aux despens , et au grand deshonneur

De l'ennemy. S'il se jecte en la plaine ,

Soit son cueur bas, son entreprinse vaine:

Pouvoir en vous de le vaincre et tuer,

Et à Marot occasion et veine,

De par escript vos noms perpétuer.