DU RETOUR DU ROY DE NAVARRE

JLaisSONS ennuy, Maison de Marguerite , Nostre roy s'est devers nous transporté Quand il s'en va son aller nous despite , Quand il revient chascun est conforté : Or vueille Dieu , s'il a rien apporté Pour l'an nouveau à nostre souveraine , Que soit un filz, duquel soit si tost pleine, Qu'au mesmes an pour nous puisse estre né: A celle fin que d'une seule estrene On puisse veoir tout un peuple estrené.

DE l'entrée des ROY ET ROYNE DE NAVARRE A CAHORS.

Preno Ns le cas , Cabors , que tu me doibves Autant que doibt à son Maro Mantue :

De toy ne veulx , sinon que tu reçoives Mon second roy d'un cueur qui s'esvertue ,

Et que tu sois plus gaye, et mieulx vestue, Qu'aux autres jours : car son espouse humaine Y vient aussi , qui ton Marot t'ameine , Lequel tu as filé , faict et tyssu :

Ces deux trop plus d'honneur te feront pleine D'entrer en toy , que moy d'en estre yssu.

DE CHARLES , DUC d'oRLEANS. '

JNature estant en esmoy de forger Ou fdle, ou filz, conceut fmahlement Charles si beau, si beau pour abréger, Qu' estre faict fdle il cuyda proprement ; Mais s'il avoit à son commandement Quelque fdlette, autant comme luy belle, Il y auroit à craindre grandement, Que trouvé fiist plus masle que femelle.

A MONSIEUR PREUD'hoMME, TRESORIER DE l'ESPARGNE. =^

Va tost (Dizain) solliciter la somme, J'en ay besoing : pourquoy crains, et t'amuses? Tu as affaire à un deux foys Preud'homme, Grand'amateur d'Apollo et des Muses :

Affm (pourtant) que de s'amour n'abuses ,

^ Voyez l'Épigramme xxvn du livre I.

^ Voyez sa Complainte et Y Essai historique.