A MERLIN DE SAINCT GELAIS

X A. lettre, Merlin, me propose Qu'un gros sot en rithrae compose Des vers , par lesquelz il me poinct : Tien toy seur qu'en rithme, n'en prose Celluy n'escrit aucune chose , Duquel l'ouvrage on ne lit point.

IN CANDIDUM.

Lib. III. Epig. XXVI.

Praedia solus habes , et solus , Candide , nummos , etc. DE JAN JAN.

1 U as tout seul , Jan Jan , vignes et prez : Tu as tout seul ton cueur et ta pecune : Tu as tout seul deux logis diaprez , Là ou vivant ne prétend chose aucune : Tu as tout seul le fruict de ta fortune : Tu as tout seul ton boire et ton repas : Tu as tout seul toutes choses fors une , C'est que tout seul ta femme tu n'as pas.