LIVRE VI. 5l

Et d'un hault bonnet triumpliant Garny de plumes de chappons , Avec tout cela, je respons, Qu'en voyant sa grâce nyaise , On n'estoit pas moins gay , ny aise , Qu'on est aux champs Elysiens.

O vous humains Parisiens, De le pleurer pour recompense Impossible est, car quand on pense A ce qu'il souloit faire et dire , On ne se peult tenir de rire.

Que dy je? on ne le pleure point ?

Si faict on : et voycy le poinct :

On en rit si fort en maintz lieux , Que les larmes viennent aux yeulx :

Ainsi en riant, on le pleure, Et en pleurant on rit à l'heure.

Or pleurez, riez vostre saoul, Tout cela ne luy sert d'un soûl :

Yous feriez beaucoup mieulx, en somme.

De prier Dieu pour le povre homme.