LIVRE I

d'un qui incite une jeune dame a faire amy.

A MON plaisir vous falctes feu et basme: Parquoy souvent je m'estonne, ma dame, Que vous n'avez quelque amy par amours. Au diable l'un, qui fera ses clamours Pour vous prier, quand serez vieille lame.

Or en effect, je vous jure mon ame, Que si i'estois jeune, et gaillarde femme, J'en aurois un devant qu'il fut trois jours A mon plaisir.

Et pourquoy non? ce seroit grand diffame, Si vous perdiez jeunesse, bruict, et famé Sans esbranler drap , satin , et velours : Pardonnez moy , si mes motz sont trop lourds , Je ne vous veulx qu'aprendre vostre game A mon plaisir.