IX'UN LIEU DE PLAISANCE

i LUS beau que fort ce lieu je puis juger: Parquoy le veulx non pas comparager A Ilion, non à Troye la grande Mais bien au val tapissé de lavande, Ou s^endormlt Paris jeune berger.

En ce beau lieu Diane vient loger :

Ne vueillez donc sur luy faulte songer, Car il est tel comme elle le demande, Plus beau que fort.

Maintz ennemyS le viennent assiéger , Dont le plus rude est le serin léger, L'autre le geay, la passe, et la callande : Ainsi la dame ( à qui me recommande ) S'eshat à veoir la guerre en son verger Plus beau que fort.

l54 RONDEAUX.

DE l'amoureux ARDANT.

Au feu, qui mon cueur a choisj, Jectez y , ma seule déesse , De Peau de grâce, et de liesse, Car il est consumé quasy.

Amour l'a de si près saisy, Que force est, qu'il crie sans cesse Au feu.

Si par vous en est dessaisy , Amour luy doint plus grand'destresse Si jamais sert autre maistresse :

Doncques ma dame courez y Au feu.