A LA JEUNE DAME MELANCOLIQUE ET SOLITAIRE

i AR seule amour qui a tout surmonté, On trouve grâce en divine bonté Et ne la fault par autre chemin querre : Mais tu la veulx par cruauté' conquerre, Qui est contraire à bonne voulunté.

Certes c'est bien à toy grand'cruauté D'user en dueil ta jeunesse et beauté', Que t'a donné nature sur la terre Par seule amour.

En sa verdeur se resjouyt l'esté , Et sur Tyver laisse joyeuseté :

En ta verdeur, plaiwsir doncques asserre: Puis tu diras , si vieillesse te serre : Adieu le temps qui si bon a esté Par seule amour.

d'alliance de PENSEE.

IJ N mardy gras , ' que tristesse est chassée , M'advint par heur d'amytié pourchassée, Une pensée excellente, et loyalle :

Quand je dirois digne d'estre royalle, Par moy seroit à bon droict exaucée.

Car de rythmer ma plume dispensée (Sans me louer) peult louer la pensée, Qui me survint dansant en une sale Un mardy gras.

C'est celle qu'ay d'alliance pressée Par ses attraictz : laquelle à voix baissée, M'a dict, je suis ta peiisee féale, Et toy la mienne, à mon grë cordiale : Nostre alliance ainsi fut commencée Un mardy gras.

^ C'est au milieu des fêtes du carnaval, que Marguerite avoua à Marot qu'elle l'aimait. Voyez YEssai historique.