C.iNQUiESME Livre
Mais luy, qui jour et nuict souspire Pour ton amour, à tous les coups Me fait rompre mon somme dous De mille baisers qu'il me donne, En me disant: Douce mignonne, Las! je t'aime: car je te voy Vivre en servage comme moy.
Vray est que tu pourrois bien vivre De ma cage franche et délivre , Si tu voulois voler aux bois; Mais moy, fuitif, je ne pourrois Vivre franc de la servitude Où nostre geôlière trop rude Sans espoir me tient arresté.
Mais adieu, c'est trop caqueté; Tu m'as rendue plus jazarde Qu'une corneille babillarde.
Trop longuement icy j'attens:
Baille-moy response, il est temps.
Ode XXVL
En vous donnant ce pourtrait mien , Dame , je ne vous aonne rien; Car tout le bien qui estoit nostre Amour dés le jour le fit vostre Que je receu dedans le cœur Vostre nom et vostre rigueur ; Puis la chose est bien raisonnable, Que la peinture ressemblable Au corps qui languit en soucy Pour vostre amour soit vostre aussi. Mais voyez comme elle me semble, Pensive, triste, et palle ensemble, Pourtraitte de mesme couleur
568 Odes.
Qu'Amour a pourtrait son seigneur !
Que pleust à Dieu que la nature M'eust fait au cœur une ouverture, Afin que vous eussiez pouvoir De me cognoistre et de me voir!
Car ce n'est rien de voir, maistresse, La face, qui est tromperesse, Et le front bien souvent moqueur; C'est le tout aue de voir le cœur.
Vous verriez du mien la constance, La foy, l'amour, l'obéissance; Et les voyant , peut-estre aussi Qu'auriez de luy quelque merci , Et des angoisses qu'il endure.
Voire quand vout seriez plus dure Que les rochers Caucaseans, Ou les naufrages ^Egeans , Qui sourds n'entendent les prières Des pauvres barques marinières.
Ode XXVI (').
Le boiteux mary de Venus , Le maistre des Cyclopes nus, Rallumoit un jour les flaméches De sa forge, afin d'eschauffer Une grande masse de fer Pour en faire à l'Amour des flèches.
Venus les trempoit dans du miel, Amour les trempoit dans du fiel, Quand Mars, retourné des alarmes, En se moquant les mesprisoit.
Et branlant son dard, luy disoit :
