POUR PRESENTER AU ROY

Six chevaliers aux armes valeureux,

Autant vaillans que parfaits amoureux, Ayant senti les gracieuses fiâmes Des yeux vainqueurs de si honestes Dames, Dont tous les six vivement sont espris,

Ont pour l’Amour ce voyage entrepris,

Par le congé de leurs belles maistresses ,

Pour esprouver au combat leurs prouesses , Et faire voir par le glaive pointu Que peut un cœur animé de vertu.

Ces chevaliers yssus de bonne race ,

Et courageux d’une amoureuse audace,

Ont pris pour guide un Prince du haut sang, Dont les ayeux conduits d’un Cygne blanc, Par longs combats et par guerres sans treves. Ont mis au Ciel l’illustre nom de Cleves.

Le Recueil

Or, pour autant qu’on oyt de toutes pars Qu’en ceste Cour habite le Dieu Mars Qui a vestu de Charles le visage,

Dont les vertus sont plus grandes que l’âge :

Puis cognoissant que tant de Chevaliers Près d’un tel roy se trouvent à milliers ,

Qui comme nous reçoivent dedans l’ame Le doux soucy d’une gentille Dame :

Sommes venus, Sire, pour leur prouver Que plus vaillans ne se peuvent trouver.

Par les chemins nous avons ouy dire, Qu’un Prince vit subject de vostre Empire, Brave et courtois, qu’on dit estre conceu Du mesme sang dont vous estes yssu ,

Qui pour tromper la paresse et le vice Fait volontiers des armes exercice.

Sire, son nom est le Comte Dauphin, Contre celuy nous voulons mettre à fin (Le desfiant) nostre jeune entreprise, Qu’Amour anime, et que Mars favorise.

Ce Comte doncq’ six Chevaliers prendra Les choisissant les meilleurs qu’il voudra, Pour six à six combattre à la barrière A coups de pique ou de lance guerriere : Afin de faire à nos Maistresses voir Combien leurs yeux ont sur nous de pouvoir.

De nos combats vous donnerez la gloire A qui voudrez, Sire : car la victoire De ce tournoy qui vous est appre-sté,

Seule dépend de vostre Majesté.

des Mascarades.

ENVOY A UNE D A MOISELL E