POUR UNE MASCARADE

f j uand le loisir me seroit présenté v>^fc Autant parfait que j’ai la volonté,

Et quand celui qui au combat m’appelle ,

M’eust adverty d’une entreprise telle,

J’eusse monstré par un cœur liberal ,

Que peut un Prince amoureux et loyal;

J’eusse monstré que peut la courtoisie D’un cœur remply d’une amoureuse envie.

Mais me voyant tout sur l’heure pressé,

Le bon vouloir par contrainte est forcé,

Voire si bien, qu’en telle affaire extresme Je ne sçaurois présenter que moy-mesme;

Offrant ici pour gage suffisant

Mon cœur en lieu de tout autre présent.

Pour ce, Maistresse, heureux feu de ma flame, Dont la vertu si vivement m’enflame,

Faites sçavoir aux Dames mon vouloir ,

Et que le temps a vaincu mon devoir.

Vous leur direz que mon gentil courage,

Comme hautain, donne bien d’avantage Que des presens, tant soient- ils de grands prix, Offrant le cœur que vos yeux tiennent pris.

Recevez doncq’, gracieuse Thenie,

Le cœur offert, le service et la vie,

Et ceste troupe ardente de monstrer Qu’une plus brave on ne peut rencontrer,

Pour honorer vos vertus, et de celles Qui, comme vous, sont honnestes et belles.

Le Recueil

CARTEL

POUR MONSIEUR LE DUC D’ANJOU Frère du Roy

Tout Amant chevaleureux

Qui cherche à faire conqueste ,

Ne se doit dire amoureux ,

S’il n’ayme d’amour honneste.

Si par crainte, ou par effort,

Forçant sa Dame, il la presse,

Il hait sa Dame bien fort,

Et n’est digne de Maistresse.

Ce chevalier sainctement,

Près d’honneur, loin de diffame,

Aymé si honnestement La chasteté de sa Dame ,

ne cede en telle amour A nulle autre créature Qu’à celuy qui doit ce jour Gagner du lieu l’avanture.

Et si quelqu’un pour blasmer L’honneste amour, veut débattre,

Il ne doit point présumer De s’en-aller pour combattre.

MASCARADE

Las! pour avoir aymé trop haut, Et n’avoir servi comme il faut, Amour ce tourment nous accorde

des Mascarades.

De nous battre le sein de coups,

Et vous crier à deux genoux Mercy, pardon, miséricorde.

CARTEL