CELEBRANT LE JOUR DE SA NAISSANCE

En imitant des grands Roys l’excellence,

Qui celebroient le jour de leur naissance,

Un jeune Roy (à qui les Cieux amis Ont le bon-heur de tant de Rois promis)

Avec son Frere (autre honneur qui égale De ses ayeux la Majesté Royale)

A ce jourd’huy, comme Prince bien né ,

A tous venans le combat a donné ,

Pour émouvoir la Françoise jeunesse Par son exemple à suivre la prouesse,

Et la vertu dont il est amoureux,

Car elle habite en un cœur genereux.

Ces Chevaliers issus de grande race Tiendront le pas et garderont la place Contre un chacun, et comme tres-vaillans,

Se défendront contre tous bataillans Et si feront juges de leurs querelles Vieux Chevaliers et jeunes Demoiselles ;

Pour ordonner la victoire et le prix A ceux qui sont aux armes mieux appris.

Or si quelqu’un se sent eschauffer rame Des beaux rayons d’une gentille Dame,

Si par l’espée il veut icy montrer Qii’un plus loyal ne se peut rencontrer,

Vienne au combat apres avoir mis gage ;

Et si vainqueur il obtient l’avantage,

Le gage sien, et celuy du Tenant Seront à luy; mais s’il est maintenant Pris et vaincu, il faudra qu’il délaissé

des Mascarades.

L’amour qu’il porte à sa belle Maistresse, Et qu’il s’en aille en un autre quartier Apprendre mieux des armes le mestier.

Pour les Rois tres-chrestien et Catholique.

Grand Jupiter! habite si tu veux Tout seul l’Olympe, et garde ton tonnerre ;

Ces deux grands Rois, les plus grands de la terre, Départiront tout ce monde pour eux.

Pour le Roy tres-chrestien Henry II, sur sa Devise.

Pour un Croissant il te faut un Soleil :

Plus ta vertu n’a besoin d’accroissance,

Qui toute ronde et pleine de puissance Te fait reluire en terre sans pareil.

Pour le Roy Catholique, su r s a Devise.

Espoir et crainte est la seule misere Qui nous tourmente; et qui, en ce bas lieu,

Ainsi que toy ne craint plus ny espere ,

Se doit nommer non pas homme, mais Dieu.

Pour luy-mesme.

O l’heritier des vertus de Jason :

O de Junon race recommandée;

Le Recueil

Tu as au col la Colchide toison,

Mais en ton lict tu n’as point de Medée.

Pour la Royne de France,