Des legs , des donations testamentaires

I J2 Gringore.

Aux apostres, qui estoient humbles, doulx, Tresdoulcement leur dist : « Je vous envoyé En villes, champs , citez, chasteaulx et voye , Ainsi comme brebis entre les loups. »

Et ce pasteur, ainsi que voyons tous , Vient comme ung loup entre les brebiettes : Tous pasteurs n'ont les consciences nettes.

Ce pasteur est successeur de saint Pierre ; Par luy devroit sainte Eglise estre unye; Or saint Pierre n'entreprit jamais guerre; Pour deffenses Jésus vouloit requerre; Jamais n'avoit la bourse d'or garnye ; Il deffendoit commettre symonie , Et ce pasteur tient son lieu par pecune : Fol se fye en la roe de fortune.

Line , Clete , Clément , Anacletus Furent papes sages et advisés , Humbles, devotz, plains de toutes vertus, Pour soustenir la foy de Dieu battus Par les tyrans et puis martyrisés.

Le pasteur donc à tort ne desprisés Qui en sa main le glaive tranchant tyre Pour martyrer; il deust souffrir martyre.

Venus sommes au temps où le pasteur Veult au lyon en son parc donner place , Et luy mesme est le devorateur De ses ouailles et non pas protecteur, Par quoy son bruit de sainteté efface.

Anacletus deffent porter en face Longues barbes à tous prestres; mais quoy? Cil la porte qui deust garder la loy '.

i. Jules II portoit sa barbe très-longue.

L'Espoir de paix. 173

Alexandre l'eaue beniste ordonna Et en permist aspergir les maisons ; Par martyrer après sa vie fina , Car Adrian à mort le condamna A tresgrant tort, ainsi que nous lysons. Or ce pasteur, ainsi que devisons , Pour asperges ' veult tenir en sa main Glaive trenchant, répandant sang humain 2.

D'Alexandre fut successeur Sixtus , Qui ordonna qu'on chantast à la messe, Ains consacrer le digne cueur Jésus, De cueur dévot : «Sanctus, sanctus , sanctus», Puis trespassa martyr en grant humblesse. Et ce pasteur veult qu'on chante sans cesse : <( A mort , à mort, à l'assault ou à l'arme. » Tel rit qui deust plorer d'œil mainte larme.

Thelesphorus 5, pape tressolennel , Institua, ains que mourir martyr, Qu'on chanteroit troys messes à Nouel ;